E ta e peor persona pa representa Aruba riba e tema di integridad
Marlon Sneek, parlamentario di AVP, a wordo poni den e comision di Integridad di Reino, pa representa Aruba. Un decision dictatorial di Baba Herde, cu a cai den masha mal tera serca tur hende, especialmente serca e politiconan hulandes, cu tur conose e historia di Marlon Sneek. Marlon Sneek probablemente ta e politico riba lista di AVP cu tin mas escandalo tras di lomba, di hopi tempo pasa, te cu awor ainda. Y pesey ta insolito cu den e partido mes, nan ta permiti algo asina tuma lugar. Hendenan "drechi" manera Arends-Reyes y Wyatt-Ras, con nan por drumi trankil sabiendo cu probablemente e politico mas escandaloso riba nan lista, ta representa nan.

Ta importante pa nos recapitula e motibonan dicon ta asina insolito cu AVP ta scohe hustamente e persona aki:
1. Marlon Sneek a wordo deteni pa polis despues di a horta jeans, y hasta tin un proces verbaal di e ladronicia aki di Marlon Sneek.
2. Tambe a gara Sneek ta horta wiskey
3. Su dedenan largo, el'a demostra tambe hortando aros
4. Sneek a wordo demanda pa gobierno hulandes pa incumplimento cu pago di su studielening na Hulanda.
5. Sneek a malusa placa di pueblo, ora el'a biaha bai shop na Panama cu placa di Parlamento, ora cu el'a exigi pa Parlamento paga 7 dia di 'daggeldvergoeding' pa un reunion di 2 dia! Mescos cu otro biahe pa Colombia! Te dia di awe e NO a paga e placa aki bek tampoco.
6. Na un hotel a gara Sneek ta horta carni
7. Sneek ta un di esnan cu a pasa e ley pa yena su propio saco, den apenas 6 minuut, drechando su mesun salario na forma barbaro, mientras cu el'a pasa pueblo un medida tras di otro!
8. den su anjanan mas jong Sneek tabata masha conosi pa kibra auto, prome un jeep, despues un toyota color oro, y varios mas, y e particular den cada un di e accidentenan aki ta cu semper tabata tin alcohol envolvi
9. ultimo tempo Sneek a bolbe hay'e den basta problema den trafico, manera por mira riba e foto adhunto, el'a haya su mes involucra den un accidente di trafico, y el'a mustra di tin problema serio cu incontinencia, si mira e mancha riba su carson, algo cu e mes a admiti durante reunion publico, cu ora bo causa un accidente bo mester para, "maske bo a pishi of pupu bo panja"!
10. pero e mas serio di tur ta dia su auto na forma masha mistorioso a dal basha cura di cas abou, casi mata hende, laga hopi holor di alcohol y core bai. Otro "hit & run", pero e biaha aki un "primo" a wordo pusha dilanti pa carga responsabilidad. Y naturalmente despues di esaki, e "primo" aki a haya un contract diki diki cu gobierno.

Esaki ta e representante di Aruba pa traha riba integridad di nos gobernantenan. Bo ta kere cu e persona aki ta capas di hasi esaki? Mike Eman a pusha e mihor persona pa e posicion aki, pasobra Marlon Sneek lo percura pa tanten Mike Eman ta den gobierno, Aruba no haya NINGUN ley di integridad!

Expresionnan haci den e articulo aki no necesariamente ta refleha opinion di ArenaPoliti.co