E Minister di Finanzas no por su so

E rapport di CFT banda di ta contene 4 recomendacion concreto pa drecha e situacion financiero di nos Pais, ta contene recomendacion tambe pa mehora e gobernacion di Gabinete Eman. CFT ta urgi Minister Eman pa duna cara na e crisis financiero di nos Pais y asumi e rol di coordinador di e proceso pa yega na un presupuesto balansa ya cu e Minister di Finanzas su so no por logra haci e trabou.

Riba pagina 5 di e rapport di CFT di 29 december 2014, nos por lesa: "Het is van groot belang dat er een gevoel van ownership is voor de doelstelling waar de regering van Aruba voor staat. De Minister van Financiën kan dit niet alleen, ook omdat een deel van de voorgenomen maatregelen op het terrein van andere ministers ligt. Naast de noodzakelijke en vakbekwame rol van de minister van Financiën is de coördinerende rol van de Minister President van wezenlijk belang. Het instellen van een ministeriële stuurgroep onder voorzitterschap van de minister president gericht op het tijdig nemen en implementeren van de maatregelen is verstandig om de regie op het bereiken van een balanced budget te versterken en de gedeelde verantwoordelijkheid daarvoor te onderstrepen.

Pues cu otro palabra CFT tambe a ripara cu Minister Eman ta core pa su responsabilidad, no kier tuma medida y no ta duna cara pa enfrenta e desaster financiero cu su gobernacion a hinca nos Pais aden. CFT pesey ta urgi Minister Eman pa tuma e timon y bay na cabes di un comicion cu mester coordina e implementacion di e medidanan cu Gabinete Eman mes a propone pa tuma. E no ta e trabou di Minister Bermudez so ya cu e otro ministernan tambe mester tuma medida y e prome yama pa drecha e desaster ta Minister Eman. Pesey CFT ta urgi Minister Eman pa stop di bula pipa y duna cara na e crisis financiero di nos Pais.


27 januai 2014

Expresionnan haci den e articulo aki no necesariamente ta refleha opinion di ArenaPoliti.co