Parlamentarionan di MEP, bou guia di lider di fraccion Evelyn Wever-Croes a bishita EPB Horeca School na San Nicolas. Nan a saboria un tremendo almuerzo prepara pa e studiantenan, y despues a haya un tour pa mira e facilidadnan di e scol. E Parlamentarionan a haya oportunidad tambe pa saluda e studiantenan, y combersa cu nan especialmente riba nan futuro.

"Nos a keda hopi impresiona di e facilidadnan di e scol y di Kadushi Restaurant, cu ta e restaurant di e scol. E studiantenan mes ta prepara e cuminda y e tabata un tremendo almuerzo, ademas cu e servicio den e restaurant tambe ta sublime. E hobennan aki a demostra nan talent y profesionalismo, nan a demostra cu ora bo tin un meta, y bo keda onfoca riba e meta ey, bo ta logr'e. Nos a keda hopi impresiona tambe di e docentenan y e manager pa e forma con nan ta stimula e hobennan. Mi ta recomenda e restaurant aki na un y tur, bon cuminda y na prijs reasonable" lider di MEP Evelyn Wever-Croes a duna di conose.