Mike Eman y partido AVP ta bolbe haci uzo di e strategia di mentira cu nan a gana eleccion cu ne pa purba gaña pueblo of sigui kere cu pueblo lo kere nan atrobe. 

Lo elimina BBO, lo elimina BBO! 
Esaki tabata e grito cu Mike Eman y tur politico di AVP tabata grita durante e eleccionnan di 2009 y 2013, esta cu nan lo elimina BBO! Pregunta ta: Nan a elimin’e ? No, nunca nan a elimina BBO, alcontrario nan a aument’e por medio di BAZV. 
Den diferente video por mira con Mike Eman tabata cana sali for di tras di un edificio bisando cu e tin e solucion pa reduci criminalidad, pero criminalidad ta pio na e momento aki. Segun Mike Eman, nan si lo drecha tur situacion na Aruba. Awor nos salubridad ta e pio den e region di Caribe, nos educacion di nos criaturanan ta total loss, costo di bida ta mas halto cu nunca, desempleo ta 3 pa 4 biaha mas hopi, no tin control di inmigracion, nos turismo ta di 1 strea of menos, nos cultura ta na peliger pa bay perdi, economia y nos finansa ta na bancarota, nos deportenan na Aruba no ta hayando sosten mas, nos grandinan ta lucha pa sobrevivi pasobra placa no ta yega y Mike y AVP ta sutando nos grandinan cu belasting. 

Duna pueblo su Playa bek
Recientemente por a scucha Mike Eman menciona cu lo habri Caya Betico Croes durante anochi y lo no cobra pa parkeer despues di 3’or di atardi. Mike Eman, no purba manipula e pueblo di Aruba pasobra manera e bieunan ta bisa, no bin purba cumpra mi cu layena. Esaki ta e mesun strategia di purba manipula e pueblo. No, e pueblo no kier pa purba di cumpr’e cu layena. Loke pueblo di Aruba kier ta pa elimina e parkeermeters por completo y habri Caya Betico Croes 24 ora pa dia y 7 dia pa siman. Comerciantenan den Caya Betico Croes y vecindario mester haya un bida atrobe. Pueblo di Aruba kier su Playa bek y no kier pa e keda mas den forma di santana. Pueblo di Aruba ta pidi pa Mike Eman anuncia cu ta habri Caya Betico Croes bek manera menciona y elimina pa cobra pa staciona of por lo menos cobra despues di 10’or di anochi te cu 7’or di mainta. Ta urgi Minister Eman y miembronan di AVP pa duna pueblo loke ta di pueblo bek y duna pueblo su Playa bek y bibo!

Expresionnan haci den e articulo aki no necesariamente ta refleha opinion di ArenaPoliti.co