E lider di MEP ta responsabel pa tur loke e grupo di hende cu ta uza e nomber di "grupo di 7" ta haci! Den esaki no tin duda. No solamente e como lider di MEP, ta completamente di acuerdo cu nan. E ta sostene nan. Despues cu un di e miembronan di e grupo aki a cende un auto na candela dilanti di Parlamento, e lider di MEP a bisa "Esaki ta apenas e comienso." Cada biaha cu e grupo a purba organisa un protesta, e lider di MEP y su coleganan a cana dilanti y ta wordo presenta como e futuro lidernan di nos pais. Cada accion contra trankilidad di nos pais y orden publico cu e grupo organisa, ta haya apoyo y aprobacion di e lider di MEP. Tin hopi mas informacion cu ta mustra e relacion directo di e lider di MEP cu e grupo aki. Hopi di e preuba aki ta nan mes ta pone riba Face Book. Face Book a bira e medio anonimo di hendenan den e grupo aki pa lastra hende, ofende hende, lansa tur sorto di mentira, pero tambe pa instiga y organisa nan accionnan. Despues nan mes ta lubida ta kico nan a scirbi. Manera e lider di MEP mes a haci diadomingo pasa. Den ora di atardi ela core kita for di FACE BOOK loke ela scirbi e mainta ey. Despues di e reunion cu polis e siman aki, e lider di MEP a sigui purba gaña cu e no tin niun relacion cu e grupo di activista.

SCONDE PA BERDAD
E comportacion di e lider di MEP, ta tipico di hende cu ta haci cos scondi. Hende cu no tin e desencia y sinceridad pa papia berdad tur ora y para pa loke e ta haci. E ta sconde tras di e "grupo di 7" pero ta instiga nan pa causa disturbio den nos pais pa asina purba crea malcontento den pueblo. Loke e lider di MEP a logra cu esey te awor ta malcontento cun'e mes y cu MEP. E accion totalmente contra di tur desencia y norma di respet cu ta asina balioso pa nos pueblo, a caba di daña tur cos p'e mes. Manera un ciudadano a bisa na radio awe:"E lider di MEP  no ta di confia. E lider di MEP no por sigui tira piedra y sconde man. E no mester kere cu e por haci kico e kier of cu e por haci cosnan fuera di ley y normanan Arubiano y pensa cu tur hende ta lubida of pordon'e. P'e tambe ta conta e exigencianan di honestidad, curashi y bon intencion den tur cos cu e haci. Tambe ora niun hende ta wak. Tambe den corant y riba Face Book."

Expresionnan haci den e articulo aki no necesariamente ta refleha opinion di ArenaPoliti.co