MEP: Caso di labamento di placa di Lainda ta haya rabo?
AVP ta un partido cu ta prome den fila pa lansa acusacionnan falso. Ultimo luna nan ta riba e caso di lider di MEP, pero ya awor cu Corte a dicta cu no tin nada stranjo, ni labamento di placa, ya poco poco nan a cuminsa fada di e tema aki.
Sinembargo nan no a tene cuenta cu e escandalo di labamento di placa den parlamento pa AVP, awor ta hayando un rabo.
Pasobra Drug Enforcement Agency di Merca mes a bin pa busca e complice di politiconan di AVP hinca den labamento di placa. Un parlamentario mester a tuma su retiro, pero semper tur hende tabata sa cu tin mucho mas hende aden.
Awor e complice mes a bin wordo busca pa DEA, e pregunta ta, ken ta next?
Ley di Karma ta un ley fuerte. Mira con Marlon Sneek kier a chercha cu e accidente cu Besaril a haye aden, y wak kiko ley di karma a hasi cun'e? Draai y pone den situacion hopi mas delicado y bergonsoso! Esey ta pasa ora bo grita duro.
Otro politoconan di AVP a acusa lider di MEP den labamento di placa, y wak kiko ley di karma ta hasi atrobe? Henter e fraccion ta complice, pasobra ta imposible cu un hende ta laba placa bou bo nanishi, den bo fractiekamer, y bo ta bisa cu bo no tabata sa.
Pisca ta muri pa su boca, y poco poco e piscanan berde tambe ta cuminsa muri.
Expresionnan haci den e articulo aki no necesariamente ta refleha opinion di ArenaPoliti.co