Parlamento a trata e cambionan di presupuesto 2014, y den e reunion aki fraccion di MEP a entrega un mocion di desconfiansa contra Gobierno Mike Eman basa riba e cantidad di crisisnan cu e ministernan aki a ocasiona.

Aki ta trata di crisis financiero, cu un debe nacional cu a wordo redobla desde cu Mike Eman a tuma mando. 

Tambe e crisis constitucional y confrontacion constante cu AVP ta busca cu Hulanda y cu Gobernador. A base di esey fraccion di MEP a entrega un mocion di desconfiansa, y a urgi e gabinete pa tene honor na su mes y tuma su retiro.

Mike Eman a demostra cu e la ocasiona hopi problema na Aruba, pero no tin forma pa soluciona e problemanan aki. Es mas, ta mas confrontacion nan ta sigi busca.

Den su discurso lider di MEP a duna te hasta e sugerencia pa baha e gobierno y apunta un zaken kabinet.

Awor palabra ta na Parlamento pa expresa su mes riba e mal maneho di gabinete Mike Eman.

Expresionnan haci den e articulo aki no necesariamente ta refleha opinion di ArenaPoliti.co