...despues di a manda RIOT Commando bati hende muher y muchanan.  

Mike Eman a cuminsa admiti su erornan cu a causa hopi dolor na comunidad   

Entrante otro aña, e prijs di coriente lo baha cu 15% asina trece un tiki alivio pa e pueblo. Aki atrobe Mike Eman ta realisa cu el a comete un eror ora cu na october 2014, el a aumenta e tarifa di coriente cu 15% pa motibo di e aventura di hedging, cu tabata un otro eror grandi di e Gobierno aki.
E tempo ey pueblo a manifesta contra e aumento di tarifa y gobierno a manda riot comando riba pueblo pa bati hende muher y muchanan jong cu a mustra nan mal contento. 27 luna despues, Mike Eman ta realisa cu el a causa un dolor na pueblo cu su desicion y cu e consecuencia cu miles di famia ta bay pasa Pasco sin coriente.
Mike Eman ta duna nos razon door di admiti su eror di a hisa e tarifa 27 luna pasa, y awor kier baha e tarifa di coriente cu 15%. Mientras tanto pueblo a paga extra prijs di coriente pa 27 luna largo y lo no haya su placa back cu a bay den e aventura di hedging.

Mike Eman a cuminsa admiti e erornan cu e la comete contra nos pueblo. Y ora cu e Prome Minister cuminsa admiti su erornan, esaki ta un bon señal pa e pueblo. Desde cu Mike Eman y AVP a sinta na 2009, nan a hinca pueblo cu 28 medida. Manera un spada claba den curpa di pueblo 28 biaha. Y awo, drentando aña di campaña, Mike Eman a cuminsa realisa su erornan y coregi nan. Y a cuminsa saca e puntonan un pa un. Pero ainda e pueblo ta sangrando. Ainda falta 20 y pico punto pa saca. Y awo direpente Mike Eman a cuminsa scucha e pueblo. Pueblo sa cu esaki ta un manipulacion pa gana eleccion y haya poco popularidad bek. 

Expresionnan haci den e articulo aki no necesariamente ta refleha opinion di ArenaPoliti.co