Rosalinda Boekhoudt (CURPA): “Vol is vol!” (parti 1)
ARUBA TA SOBREPOBLA
Nos Pais Aruba ta un di e paisnan mas pobla na mundo cu un densidad di 563 hende pa km2 (2010). Hecho ta cu Aruba ta sobrepobla y cu vol is vol. Pues ta logico cu no por sigui cu e maneho actual di Stranheria y Admision. Y cu mester bin cu un maneho estricto di sera e fronteranan. Un maneho estricto cu partido CURPA so tin e determinacion y seriedad pa bin cu ne.
KIKO LO PASA SI NO CAMBIA MANEHO DI STRANHERIA ACTUAL
Sin cambio di maneho Aruba no lo bira solamente mas sobrepobla pero tambe lo tin e siguiente consequencianan negativo addicional:
- Mas trahadornan arubiano y local na cas sin trabou incluyendo graduadonan recien di EPI etc.
- Mas cu 15.000 ilegal cu tin caba na Aruba cu ta causa cu salarionan ta keda cheap y cu trabouwnan ta wordu horta
- Fenómeno di cheap labor cu ta percura cu nos hendenan ta keda cu e salario di minimumloon pa decadas sin perspectiva di bai dilanti
- Aun mas criminalidad cometi door di immigrantenan for di paisnan di afor
- Mas entrada na Aruba di personanan cu antecedentenan penal manera e criminal di Canada.
- Mas gastonan pa gobierno e.o. pa traha mas scolnan y mas carreteranan foi saco di pueblo.
- Peliger di perde nos identidad. Segun pronóstico di CBS e poblacion di stranhero lo casi redobla na 2030 door di immigracion y lo bira mitad (1) di e poblacion total di Aruba
- Aun mas traficación y explotacion di hende y
- Aun mas perdida di devisas (netto Afl. 101 miyon na 2015 segun Banco Central)
METANAN DI E MANEHO PARTIDO CURPA
Asina ta, pa por cumpli cu e deber constitucional pa promove oportunidad pa terrenonan pa vivienda, proteha e mercado laboral local, e Seguridad Nacional y nos identidad partido CURPA lo limita e immigracion lo mas hopi cu ta posibel. Pa por logra e metanan ki partido CURPA lo hiba un maneho di Stranheria y Admision hopi estrito y lo tuma e medidadan necesario pa haci di Nos Pais Aruba un pais menos actractivo pa immigracion. Y lo tuma medidanan pa preveni y combati ilegalidad.
Den e siguiente articulonan nos lo informa ki medidadan único y efectivo lo wordu tuma pa limita e immigracion y pa preveni y combati ilegalidad. Y con nos di partido CURPA lo focus pa Arubiano ta na 1er lugar.
Expresionnan haci den e articulo aki no necesariamente ta refleha opinion di ArenaPoliti.co
Articulo similar
7 motibo pa laga Pueblo eligi su Gabinete
Columna Asiento 22 | S01E05 Hopi ciudadano ta na fabor di un cambio den nos sistema democratico cu lo duna Pueblo e poder pa eligi Parlamento y un (minister-)presidente den eleccionnan separa. De...
Sigui lesa...