Gabinete ME II: Den un tempo cortico Gabinete Mike Eman y partnernan social a rescata e 3 fondonan principal di Aruba ‘AOV, APFA y AZV’ pa nan ta duradero
ORANJESTAD - Den un tempo relativamente cortico Gabinete Mike Eman hunto cu partnernan social a rescata e tres fondonan esencial di Aruba, AOV, AZV y APFA. Ta hopi ta e deliberacionnan cu a tuma lugar prome cu a yega asina leu prome cu e ley pasa den Parlamento di Aruba. Ya for di 2011 gobierno di Mike Eman a hiba combersacionnan cu esnan envolvi riba e terenonan aki pa despues tambe discuti esaki den Dialogo Social. A traha duro riba e cambionan necesario.
AOV
Pa loke ta e fondonan di pensioen AOV y APFA y seguro medico general AZV reformanan mester a wordo haci pa haci e fondonan aki bira duradero y stabil.
Pa motibo di cambionan den populacion, hende ta biba mas largo y tin menos hoben pa yuda carga cu e diferente primanan. Notabel ta cu tin un liña consistente di presion extra riba e fondonan pa por keda carga e poblacion cu ta birando mas grandi. Edad di pensioen y e situacion di e fondo di pensioen di SVb y e prima a lanta un discusion nacional na Aruba. Gabinete Mike Eman I a individualisa e prima di AOV cu a yuda su entrada, mescos a cambia e premiegrens loke a nifica cu esnan cu ta gana mas ta paga un poco mas pa di e forma aki yuda e fondo di AOV. Un otro cambio cu Gabinete Mike Eman I a haci ta esun di e grondslag. Tur e cambionan aki a yuda e fondo di AOV. Durante e reunionan di Dialogo Social riba e tema cambio di edad di pensioen a haya sosten amplio. E aumento di edad di pensioen ta subi gradualmente for di inicio di 2015.
APFA
A introduci tambe e ahustenan necesario pa por garantisa e fondo di pensioen di APFA y haci esaki duradero. Aki tambe ta hisa edad di pensioen di ambtenaarnan di 60 pa 65 aña. Esaki a keda dicidi den Parlamento di Aruba pa medio di un decreto gubernamental den un sesion largo siman pasa. Resultado ta cu pensioenfonds di e empleado publico APFA ta cubri 100% atrobe. Cu esaki existencia di e fondo ta keda garantisa pa futuro.
Prome Gabinete Mike Eman a haci reformanan grandi caba cu e pensioen di empleadonan publico. Na prome luga a corta severamente den e areglo di pensioen di mandatarionan. Despues a cambia e areglo di ambtenaarnan di eindloon pa middelloon, a inclui e franchise y edad di pensioen a subi di 55 pa 60 aña. Cu un solo deposito di capital di 170 miyon, e herstelpremie ta cambia di 3% riba 15% y APFA ta cubri bek cu 100% (dekkingsgraad).
AZV
Dialuna ultimo e asina yama health tax a keda acepta den Parlamento di Aruba. E extra belasting aki a wordo introduci pa cubri e gastonan creciente di AZV a termino mediano cu un base mas amplio posibel.
Cu introduccion di e belasting specifico ‘bestemmingsheffing AZV’ gobierno ta anticipa riba e aumento di gastonan den cuido medico pa e añanan cu ta bin. Introduccion di un extra belasting ta wordo usa specificamente pa e uzo di e fondo di AZV. Asina e base di AZV ta wordo fortifica.
Cu e fuente di entrada nobo aki, e presion di AZV riba e caha di gobierno ta wordo controla. E gastonan di AZV ta suma un total di Af.350 miyon pa aña. E gastonan aki ta wordo cubri door di e prima cu trahadornan ta paga. E deficit (mas o menos 30% di e gastonan total) ta wordo cubri door di e Landsbijdrage. Door di un solucion structural pa AZV, contribucion di pais Aruba na AZV ta haya su plafond adelanta den e añanan cu ta bin.
AOV
Pa loke ta e fondonan di pensioen AOV y APFA y seguro medico general AZV reformanan mester a wordo haci pa haci e fondonan aki bira duradero y stabil.
Pa motibo di cambionan den populacion, hende ta biba mas largo y tin menos hoben pa yuda carga cu e diferente primanan. Notabel ta cu tin un liña consistente di presion extra riba e fondonan pa por keda carga e poblacion cu ta birando mas grandi. Edad di pensioen y e situacion di e fondo di pensioen di SVb y e prima a lanta un discusion nacional na Aruba. Gabinete Mike Eman I a individualisa e prima di AOV cu a yuda su entrada, mescos a cambia e premiegrens loke a nifica cu esnan cu ta gana mas ta paga un poco mas pa di e forma aki yuda e fondo di AOV. Un otro cambio cu Gabinete Mike Eman I a haci ta esun di e grondslag. Tur e cambionan aki a yuda e fondo di AOV. Durante e reunionan di Dialogo Social riba e tema cambio di edad di pensioen a haya sosten amplio. E aumento di edad di pensioen ta subi gradualmente for di inicio di 2015.
APFA
A introduci tambe e ahustenan necesario pa por garantisa e fondo di pensioen di APFA y haci esaki duradero. Aki tambe ta hisa edad di pensioen di ambtenaarnan di 60 pa 65 aña. Esaki a keda dicidi den Parlamento di Aruba pa medio di un decreto gubernamental den un sesion largo siman pasa. Resultado ta cu pensioenfonds di e empleado publico APFA ta cubri 100% atrobe. Cu esaki existencia di e fondo ta keda garantisa pa futuro.
Prome Gabinete Mike Eman a haci reformanan grandi caba cu e pensioen di empleadonan publico. Na prome luga a corta severamente den e areglo di pensioen di mandatarionan. Despues a cambia e areglo di ambtenaarnan di eindloon pa middelloon, a inclui e franchise y edad di pensioen a subi di 55 pa 60 aña. Cu un solo deposito di capital di 170 miyon, e herstelpremie ta cambia di 3% riba 15% y APFA ta cubri bek cu 100% (dekkingsgraad).
AZV
Dialuna ultimo e asina yama health tax a keda acepta den Parlamento di Aruba. E extra belasting aki a wordo introduci pa cubri e gastonan creciente di AZV a termino mediano cu un base mas amplio posibel.
Cu introduccion di e belasting specifico ‘bestemmingsheffing AZV’ gobierno ta anticipa riba e aumento di gastonan den cuido medico pa e añanan cu ta bin. Introduccion di un extra belasting ta wordo usa specificamente pa e uzo di e fondo di AZV. Asina e base di AZV ta wordo fortifica.
Cu e fuente di entrada nobo aki, e presion di AZV riba e caha di gobierno ta wordo controla. E gastonan di AZV ta suma un total di Af.350 miyon pa aña. E gastonan aki ta wordo cubri door di e prima cu trahadornan ta paga. E deficit (mas o menos 30% di e gastonan total) ta wordo cubri door di e Landsbijdrage. Door di un solucion structural pa AZV, contribucion di pais Aruba na AZV ta haya su plafond adelanta den e añanan cu ta bin.
Expresionnan haci den e articulo aki no necesariamente ta refleha opinion di ArenaPoliti.co