Cu desicionnan di AVP y cu placa di pueblo mes!  

E falta di placa den e fondo di pensioen di trahadornan di gobierno y di maestronan di scol tabata cas 800 miyon florin ora gobierno di MEP a baha. Mescos cu e fondo di pensioen di behez e fondo aki tabata core peliger grandi pa su existencia. Chens grandi tabata cu mester a corta den e pensioen di miles di pensionado. Gobierno di MEP a simpelmente neglisha e problemanan serio aki. Hasta na e punto mas severo di e crisis gobierno di MEP tabata bisa cu "cos ta stabiel" na Aruba. E realidad tabata diferente!

2009-2015
Den e seis aña cu a pasa gobierno di AVP a haci cambionan dificil pero necesario den e fondonan di pensioen pa salba nan y pa sigura tur e pensionadonan nan pensioen tur luna. A logra haci esaki sin corta den loke e pensionadonan ta cobra tur luna. Mas ainda, a logra yuda nan hasta tene cabez riba awa di e crisis severo, door di e "reparatietoeslag" cu placa di pueblo. E fondo di pensioen di APFA (= di trahadornan di gobierno y maestronanan di scol) mes a wordo rescata.

100 COBERTURA
Mescos cu den e fondo di pensioen di behez, ta cu desicionnan dificil den parlamento, e fraccion di AVP a aproba e cambionan cu gobierno di AVP a propone y a rescata e fondo. Door di e desicionnan cu a tuma y un inversion multimilionario cu placa di pueblo, a logra sanea e fondo. E deficit cu tabata casi 800 miyon na aña 2008 ora MEP tabata den gobierno, awe ta cero. (Afl. 0.0) E suma di casi 800 miyon ta representa 15% di GDP di Aruba. Mas cu e refineria ta contribui. E cobertura di e pensionnan cu tabata preocupantemente abou, awe ta bek na 100%. Pensionadonan di APFA ta sigur di nan pensioen pa futuro.

MEP a vota contra!
Ta importante pa señala cu e partido MEP a vota CONTRA di e proposicionnan pa salba e fondonan di pensioen.

Expresionnan haci den e articulo aki no necesariamente ta refleha opinion di ArenaPoliti.co