Eman a representa Reino durante e encuentro importante aki 

NEW YORK/ORANJESTAD - Prome Minister Mike Eman tabata hopi cla den su discurso den Asamblea General di Nacionnan Uni, indicando cu gobiernonan so no por logra Agenda 2030. Pa logra esaki mester traha den partnership.

"Partnership ta di particular importancia pa un nacion isleño manera Aruba cu ta aspira pa bira totalmente sostenibel riba tereno di energia na 2020. Reino Hulandes y e representante halto di Nacionnan Uni y Vice secretario General Acharya recientemente a organisa un evento di nivel halto na Aruba pa showcase e sistema PPP (Public Private Partnerships) den Small Island Developing States (SIDS).” Esaki a explora con casonan exitoso por wordo etala y wordo replica den otro SIDS, tanto riba nivel regional como global.

Eman a bisa di ta masha orguyoso cu pronto ta bay realisa un 'Centre of Exellence' na Aruba pa desaroyo di SIDS, un iniciativa conhunto di Reino Hulandes y United Nations Development Programme (UNDP). E centro ta ofrece un plataforma pa cooperacion den intercambia conocimento riba energia renobabel, di PPP, maneho di awa, turismo y medio ambiente y sistemanan di salud. Riba dje e ta contribui tambe den concreto na implementacion di e Metanan pa Desaroyo Sostenibel (SDG) den SIDS (nacionnan isleño).

Conclusion di discurso di Prome Minister Eman ta cu metanan sostenibel ta asina evidente cu den nan tin nan forsa, pero tambe nan retonan. Pasobra cu pa logico cu nan por mustra y con fuerte e obligacion moral ta, hopi biaha nos a yega di  trompica riba nos responsabilidadnan den haci nan nos mision y destino di un miho mundo. "Mi no tin duda cu e sosten di tur institucion mundial, paisnan, corporacion y organisacionnan cu ta bin hunto lo ta exitoso den e avance di logra nos metanan, mescos cu humanidad tabata capaz den avansa riba asina hopi area pa mehora calidad di bida prome caba. Pero, ora nos accion y metanan yama e ciudadano, e paisnan, corporacion y organisacionnan pa bandona nan zona di comfortabilidad, relativa e balor di nan shareholder den contexto di futuro, bandona nan visionnan riba termino corto manera 'not in my backyard'- nos mester no solamente coordina y integra programanan institucional, schedule y financiamento, nos mester tambe un sentimento fuerte di deber y destinacion, un yamada moral cu ta resona den nos curazon y almanan, un sentimento di cuido y comparti, di compasion y amor cu nunca nos a wak prome. Pasobra na final di dia prosperidad ta transcende preocupacionnan material."  

"Haci bon na otro ta parti di nos abilidad pa duna y ricibi amor, pa disfruta e respet di nos hendenan noble, pa contribui den forma util na sociedad, pa tin un sentido di ta pertenece na sociedad y tin su confiansa, pa yuda crea un mundo social y haya un lugar di confiansa den dje. Den corto, un componente importante di prosperidad ta e abilidad pa participa den forma significante den bida di e sociedad."

Prome Minister a termina bisando cu Reino ta completamente comprometi den logra e vision aki, den partnershio cu tur aki den. "Tur esaki na interes di paz, husticia y desaroyo". Cu e bunita palabranan aki Prome Minister Eman, den nomber di henter Reino Hulandes a finalisa su discurso den e Asamblea General di Nacionnan Uni. Aruba por ta orguyoso.

Expresionnan haci den e articulo aki no necesariamente ta refleha opinion di ArenaPoliti.co