E situacion cu tin na Aruba actualmente ta uno alarmante. Nos pais ta den pleno crisis economico y e crisis aki tin nomber y fam, gabinete Mike Eman. E gobierno aki a goberna nos pais sin vision, sin plan y mas bien a hiba un maneho di derocha placa di pueblo. Nan a caba cu finanzas publico y crea un debe di mas cu 4,000, 000, 000 florin. E debe aki sigur e muchanan di awe ora nan crece lo ta pagando esaki ainda. Tur e muchanan di awe lo corda riba e anjanan di desaster di Mike Eman y su gobierno. E maneho descabeya aki a afecta nos pais grandemente. Banco Central a pone den su ultimo rapport cu anja 2015 a sera sin NINGUN crecemento economico. Si un gobernante no kier compronde esaki y at keda insisiti cu e situacion ta bon ta pasobra e lo ta ignorante y terco. Como gobierno bo mester por scucha pueblo, bo mester scucha comercio y bo mester por realiza ora cosnan no ta bai bon riba un pais.

Diabierna ultimo mi mes a haci un reocrido den Caya Betico Croes. Cu dolor na mi curason mester a constata cu Playa a bira un GHOST Town. E gobierno di Mike Eman a caba cu nos pais y caba cu Caya Betico Actualmente tin mas tienda cu ta sera cu tin tiendanan habri. E situacion ta uno hopi serio y grave. Mike Eman y su gobierno a scohe pa bin cu un proyecto di tram. E proyecto aki sigur tawata uno inecesario y un prioridad robez. Mike Eman a prefera di neglisha nos muchanan y nos ensejanza y laga e proyecto di Mavo, Havo, VWO na Noord para y porcierto te awe no a sigui y usa e placa aki pa e proyecto di TRAM. Ta bon pa nos splica nos pueblo cuanto e proyecto aki a costa nos pueblo. Cada tram a costa nos pueblo 2.5 miyon florin. Na tram so nos pueblo a paga 10 miyon florin. Pa e infrstractura, ponemento di e railsnan nos pueblo a paga 22 miyon florin. Pa compra di 4 tram, ponemento di raisl nos pueblo mester a paga 32 miyon florin. Kiko e resultado tawata? E resultado aki ta cu esaki tawata un decision completamente robez y e tramnan ta un fracaso cu a mata nos Caya Betico Croes. Ningun hende cu ta subi tram ta baha haci compras y ta pesey e tram a wordo busca. Hendenan capaz, grandi a bai sinta hunga cu placa di pueblo manera ta nan placa e ta. Placa di pueblo no ta cos pa haci wega cune y sinta inverti pa loco. Loke e tram a haci cu Caya Betico Croes ta mata Caya. Pa caba di corona e asunto Otmar Oduber a introduci parkeermeters. Otro decision robez cu a caba di pone cherry riba e bolo pa mata nos Caya Betico Croes. Un decision pa yuda 30 hende cu trabaou a costa 150 hende nan trabou y ainda falta. Nos centro di ciudad a sufri masha hopi na man di Mike Eman y su gobierno y tawata pasando den mmento dificl mirando cu e la wordo renoba sin un planificacion drechi y a tarda demasiado. Envez cu gobierno a bin cu incentive pa yuda comercio a tuma e decision pa bin cobra trahadornan, comerciantenen y pueblo comprador pa parkeer. Cada parkeermeter a costa nos pueblo 22.000 florin y e resultado di e combinacion tram y parkeermeters ta bisto, Caya Betico Croes a bira un Ghost Town.

Nos centro di ciudad ta manera un desierto y pa fin di luna di juni mas tienda lo sera nan portanan. Na e momentonan aki tin 29 tienda cu a sera nan portanan den centro di ciudad. Camara di comercio tambe a bati alarma mirando cu na e momentonan aki 75 tienda rond di Aruba a sera nan portanan y esaki ta debi na e economia malo di nos pais. AVP a percura pa crea un crisis hamas antes bisto na Aruba! Mester bin accion liher di parti di gobierno. Por cuminsa habri Caya Betico Croes bek pa trafico por circula, pone WIFI gartis pa atrae hende bin Playa y haci algo awor cu e parkeermetersnan aki. Si no tuma accion Caya Betico Croes lo bira u riuna manera Ex Bushiri Hotel.

Expresionnan haci den e articulo aki no necesariamente ta refleha opinion di ArenaPoliti.co