Awor cu nos Digno Pueblo ta na vispera di haya e GRAN NOTICIA DI E REAPERTURA DI E REFINERIA, for di Venezuela mi tin deseo di haci e siguiente refleccion: NOS NO MAG DI LUBIDA E ACCION ORA CERO CRUCIALMDI NOS DIGNO PUEBLO CU A BISA GABINETE MIKE EMAN 2, AVP y VALERO: NO TA DESMANTELA E REFINERIA.

Ora cu a bira mas cu claro na comienso di anja cu GABINETE MIKE EMAN CUESTE LOKE CUESTE KIER A DESMANTELA E REFINERIA CONTRA BOLUNTAD ESPERANSA Y INTERES DI NOS DIGNO PUEBLO, Partido MEP a tuma e decision cu nos mester drenta den accion PA SALBA E REFINERIA DI NOS PUEBLO Y DI E FUTURO DI NOS JUINAN. Nos ta corda bibo den nos memoria e declaracionan di Gobierno: AWE NA DOS LUNA VALERO TA CUMINSA DESMANTELA. Loke mi ta puntra mi mes: CON GOBIERNO DI AVP CU TA PRETENDE DI DEFENDE E MIHO PORVENIR DI NOS PUEBLO POR A DUNA VALERO APROBACION PA DESMANTELA E REFINERIA?AKINAN GABINETE MIKE EMAN A COMETE UN CRIMEN CONTRA E FUTURO DI NOS PAIS, PASO NAN TAWATA SA CU E REAPERTURA DI E REFINERIA LO A PONE ARUBA BEK RIBA PIA.

ACCION ORA CERO nos a yama e accion di nos Digno Pueblo cu a wordo autorisa pa conseho di partido y a duna presidente di comishon di accion di MEP mr.Ady Thijsen e encargo pa cuminsa prepara tur cos. Un reunion extraordinario a wordo yama na Cede di MEP: CENTRO LIBERTADOR BETICO CROES. Nos Digno Pueblo a acudi grandemente na Cede y e momento ey tur presente a aproba e resolucion cu lo manda carta e ora ey pa Gabinete Mike Eman 2 y Valero bisandonan: NOS DIGNO PUEBLO LO NO PERMITI NAN DESMANTELA E REFINERIA. Tambe durante e reunion grandisimo na Cede nos Digno Pueblo a dicidi cu nos ta bai e ora ey di anochi den caravana for di cede pa e porta principal di Valero na San Nicolas pa asina cu forsa y firmesa nos manda e mnsahe pa Gobierno di AVP y Valero, cu nos Digno Pueblo den bon o den malo lo no laga nan desmantela e refineria. NIUN POLITICO DI AVP NI DI GOBIERNO NI DI PARLAMENTO NO A JOIN NOS DIGNO PUEBLO DEN E ACCION ORA CERO.

Pami esaki ta un di pruebanan mas palapable cu AVP TAWATA DICIDIDO PA DESMANTELA E REFINERIA DI ARUBA.

PESEY AWE CU NOS TA MAS SERCA CU NUNCA DI E GRAN NOTICIA RELACIONA CU E REAPERTURA DI E REFINERIA MI KIER DEN FORMA CONTUNDENTE DUNA: UN GRAN DANKI NA NOS GRAN Y DIGNO PUEBLO DI ARUBA CU A KEDA KERE DEN SU REFINERIA Y CU A ACTUA DEN E ACCION ORA Y A TENE SU ROSEA RIBA LOMBA Y CONTRA GOBIERNO DI AVP, CU AWE NOS TA NA VISPERA DI E GRAN NOTICIA CU E REFINERIA DI NOS PUEBLO LO WORDO SALBA PA E MIHO PORVENIR DI NOS PAIS, PUEBLO Y DI NOS JUINAN.

Expresionnan haci den e articulo aki no necesariamente ta refleha opinion di ArenaPoliti.co