Nos a priminti cu nos lo ta alerta y vigilante. Relaciona cu esaki mi por informa pueblo di Aruba cu pronto decisionan lo wordo tuma door di PDVSA pa asina procede cu e reapertua di e refineria di Aruba. E desicion final lo bai wordo tuma unda cu acuerdonan lo wordo firma cu lo bai conduci na reapertura di e refineria.

Mi ta contento pa tende representante di AVP papia e mesun idioma cu nos unda ta reconoce e importancia pa Aruba cu e reapertura di e refineria y cu PDVSA. Ademas tendenan reconoce e vision pa opera e refineria cu Clean Energy a base di Gas. Ademas cu disponibilidad di gas na Aruba esaki lo por wordo suminiatra na WEB pa por baha BERDADERAMENTE e prijs di awa y coriente pa HENTER PUEBLO

Nos ta convenci cu reapertura di e refineria nos lo por pone Aruba economicamente riba pia, recobra tur e cuponan di trabao cu a perde cu e cierre di e refineria. Tambe tur e contratistanan cu a cera y tur nan trahadornan lo por haya nan trabao y un bida bek. E refineria di Aruba su reapertura ta di vital importancia pa San Nicolas y pa henter Aruba.

Expresionnan haci den e articulo aki no necesariamente ta refleha opinion di ArenaPoliti.co