Relaciona cu e caso di hedging partido MEP a encomenda colega Chris Romero Glenbert Croes pa nos hasi un biahe pa Colombia pa sigi traha riba realisacion di e proyecto di hidro-energia. Durante campanja electoral partido MEP a lansa e proyecto aki como e mihor solucion riba tereno di energia alternative y pa baha gasto di energia. E proyecto di MEP ta ensera cu WEB ta cumpra hidro-energia cu ta wordo genera pa represanan na Colombia, y ta trese esaki atraves di cablenan submarino te na Aruba. Colombia ta exporta hidro-energia cu hopi pais den Sur y Centro America, y tin hopi interes pa exporta hidro-energia na mas pais. E suministro di energia lo yega di Colombia pa Aruba via cablenan submarine, escos cu actualmente ta e caso cu cablenan di telecomunicacion akin a Aruba.
Durante e biahe na Colombia, Glenbert Croes y Chris Romero a reuni cu varios ehecutivo den mundo di energia, entre nan a reuni cu ehecutivonan di Empresas Publicas de Medellin cual ta un di 3 companianan di estado mas grandi di Colombia. E compania aki ta produci electricidad pa medio di hydro-energia y ta resalta den nan vision pa exporta e tipo di energia aki.

“Nos a keda contento pa tende cu tin un vision caba riba mesa pa conecta  20/22 e region cu cablenan submarino pa suministra coriente. Den campaña electoral 2013 nos di MEP a presenta e opcion di hidro- energia aki como un alternativa pa asina baha gastonan di utilidad. Partido MEP desde cu a presenta e opcion hidro-energia a pone hopi enfasis riba e beneficionan multiple.  Rond mundo tin varios proyecto di cablenan submarino pa suministro di coriente por ehempel esun di Hulanda pa Noruega di 600 km. 
Durante nos biahe pa Colombia nos a bishita un di plantanan di energia jama "Tasajera" cual ta produciendo 306 mw nificando cu esaki por cubri coriente pa tur e islanan ABC. Nos ta convenci cu hidro-energia ta un alternativa viable pa electricidad wordo bendi na un prijs mas economico.

Considerando cu nos ta kere den un relacion entre Aruba y Colombia pasobra lo tin oportunidadnan economico, e expectativanan ta grandi cu hidro-energia lo por hasi un tremendo contribucion na e desaroyo di energia y claro pa logra baha tarifanan di coriente den hogarnan akin a Aruba”, Glenbert Croes a declara. 

Expresionnan haci den e articulo aki no necesariamente ta refleha opinion di ArenaPoliti.co