Minister Otmar Oduber: Ta cla pa haci cambio den ley pa comberti Sector Primario liber di impuesto
![160301 otmar santa rosa](/images/2016-Q1/160301-otmar-santa-rosa.jpg)
Minister Otmar Oduber ta anuncia durante reunion na Santa Rosa
Diamars mainta Minister Otmar Oduber tabata di bishita na Santa Rosa unda a reuni cu e empleadonan cu ta traha incansabel pa nos sector primario. Pa e mandatario ta un gran satisfaccion di mira con su maneho pa Santa Rosa a continua, cu mesun entusiasmo den cada un di esnan cu ta forma parti di e ekipo di e departamento aki. Na mes momento Minister Oduber ta reconoce e retonan dificil cu ainda e departamento ta enfrenta manera ta entre otro e scarsedad di awa y tambe ekiponan necesario den Santa Rosa. Intencion ta pa sostene Santa Rosa cu algun inversionnan cu Gobierno lo kier haci pa e departamento por sigui brinda e servicio y sosten na nos agricultornan, esnan cu ta practica e cria di bestia y sector primario den su totalidad.
Prioridad ta sigui di ta e suministro di awa na cunukeronan y criadonan, pero esey no ta tur.
Sr. Oduber a comparti cu e empleadonan di Santa Rosa cu ya caba el a sinta cu su colega Minister Bermudes como tambe cu Conseho di Minister cu a acorda cambio di ley pa haci Sector Primario liber di impuesto. "Di e forma aki nos por fomenta y incentiva e sector aki mas ainda." Minister ta comenta.
Un otro punto di atencion ta e continuacion di e mercadonan cu ta asina exitoso, di cual ta evaluando si lo por saca nan for di Santa Rosa y hiba nan den barionan pa cumpli cu e cantidad di peticionnan ricibi.
Minister Oduber ta termina bisando: "Mi ta sumamente satisfecho pa mira con e facilidad aki ta wordo manteni dor di e trahadonan. Mi ta cla pa sigui dedica e atencion necesario y na sector aki y mi ta mira con mira con entusiasma e ekipo ta ya cu nan sa con nos ta traha pa por tin un Santa Rosa fuerte para riba su pia."
Expresionnan haci den e articulo aki no necesariamente ta refleha opinion di ArenaPoliti.co