Recientemente a sali publica cu e Barco Freewinds lo ta usando stempel ilegal di immigracion. Segun e articulo e Minister en cuestion lo ta na altura di esaki.

No mucho tempo atras tawata conoci cu e Minister di Husticia a hasi tur lo posibel pa permiti Scientology Church usa e bukinan na nos scolnan. Door di esfuersonan di MEP esaki no a sosode mas.

En conexion cu loke nos a menciona ariba fraccion di MEP a entrega preguntanan pa haya informacion for di e Minister. Pa nos fraccion e ta hopi importante pa haya sa si berdad e minister ta na altura di esaki, y a base di kiko esaki a tuma lugar. Ademas e ta di importancia pa sa kiko e minister tin pensa di hasi pa contra aresta e tipo di accionan sosode den futuro pa evita trafico ilegal di persona. Fraccion di MEP ta spera cu Minister Dowers por clarifica tur esakinan mas pronto cu ta posibel pasobra ta trata aki di un violacion hopi serio.

Expresionnan haci den e articulo aki no necesariamente ta refleha opinion di ArenaPoliti.co