Na momento cu gobierno a introduci e medida pa cobra trahadornan y cobra pueblo pa parkeer den playa y Caya Betico Croes nos fraccion a bisa cu esaki lo mata Caya Betico Croes. Awe despues di 13 siman ta wordo e ta wordo confirma door di propio Mike Eman y door di camara di comercio cu cobra pueblo pa parkeer a mata Caya Betico Croes.
Comercio ta pasando den momentonan hopi dificil mirando cu desde e parkeermetersnan a wordo introduci nan benta a bai atras entre 30% y 50%.
E comerciantenan ta preocupa cu si no bin cambio inmediato den e situacion actual, caminda cu benta a y ta sigui baha drasticamente cu un promedio di entre 30 pa 50%, nan no ta mira con nan lo por sigui carga cu e peso aki. Esaki lo tin consecuencianan grave pa mayoria di e negoshinan, teniendo na cuenta cu algun negoshi ya caba mester a opta pa scrap cierto servicio cu nan ta brinda (manera desayuno y almuerzo), y/o hasta kizas lo haya nan mes obliga sea pa downsize e negoshi, incluyendo den cantidad di empleado, o na ultimo pa cera nan porta. Esaki ta e situacion cu a wordo crea door di e parkeermetersnan aki. Comercio a a tene varios reunion cu Aruparking y minister Otmar Oduber pa atende cu nan preocupacionnan. Durante e reunionan aki un biaha mas Otmar Oduber a demostra su arogancia y su ignorancia pa comerciantenan cu ta pasando den momentonan dificil. Te hasta e minister tabata chercha y haci mofa di e comerciantenan aki.
Varios comerciante ta asina preocupa cu nan no sa si nan por wanta e sla aki. Segun Aruparking e pueblo a custuma caba cu e parkeermetersnan y esaki a resulta di ta un exito. Di otro banda tin comercio cu a wordo mata door di e parkeermeters. E ta basta confuso loke Aruparking a declara pasobra si en realidad e pueblo a custuma dikon e benta a keda atras manera cu comercio a trece dilanti? Tin un ganjamento y trocemneto di berdad manera ta custumber di e gobierno aki pasobra si en realidad pueblo a custuma cu e parkeermetersnan comercio su benta lo mester a conoce un aumento y no un caida di entre 30% y 50%.
No solamente camara di comercio a trece dilanti cu Aruparking ta un fracaso sino te hasta Mike Eman a admiti y a confirma cu e parkeermetersnan aki a destrui Caya Betico Croes. Pa luna di December Mike Eman a duna ‘’free parking’’ pa 9 dia y cu esaki bo por conclui cu Mike Eman mes ta reconoce cu comercio mester un alivio. Loke Mike Eman a lubida ta cu e alivio aki ta pa apenas 9 dia y con comercio lo sobrevivi e resto di 12 lunanan nos dilanti?? Con e empeladonan cu ta pagando 75 florin pa luna lo haci? E ta obvio cu comercio tin un problema hopi serio cu e parkeermetersnan aki mirando cu nan tambe a manda un carta di ultimatum pa gobierno. No solamente comercio tin problema cu parkeermetersnan aki sino nos pueblo y tambe e clase trahador cu no por paga e 900 florin pa anja.
Nos ta lamenta cu e gobierno aki a bira ciego y sordo pa e realdiad y no kier scucha dolornan di comercio y pueblo. Gobierno no a bin cu ningun solucion pa trece alivio pa e situacion di parkeermeters. E gobierno aki ta uno ignorante y ora un gobierno no kier scucha pueblo pueblo mes lo huzga e gobierno aki!

Expresionnan haci den e articulo aki no necesariamente ta refleha opinion di ArenaPoliti.co