"E homber mas peligroso di mundo ta un lider cobarde”. - Stephen King. E dicho aki ta cuadra cu e realidad cu nos ta biba aden aki na Aruba. E ta obvio cu despues di 7 anja di e gobierno cu a caba cu nos pais, e unico conclusion cu por saca ta, cu nos pais NO tin un lider. Mike Eman a demostra cu e NO ta para firme den su sapatonan, e no tin curashi pa enfrenta y soluciona problemanan y mas bien ta corre pa problemanan di nos pais. E la prefera di gasta 7 miyon florin na viahamento e ultimo 7 anjanan aki cu atende cu problemanan di nos pais. Mike Eman NO tin control riba su gobierno, tur minister ta haci y deshaci y e no por para ningun hende. Tin e ehempel di minister Otmar Oduber cu ta haci loke e kier, ki ora cu e kier y Mike Eman NO por bise nada nada. Mas bien Otmar ta esun cu ta call the shots y Eman mester keda keto pasobra manera Marisol a bisa, imagen di AVP ta mas importante pa Eman. Kiermen e pais aki por pega candela mes, Eman no ta worry.
Nos pais ta na candela na e momentonan aki. Banco Central a bisa cu no tin crecemento economico, Camara di comercio a bisa cu 75 negoshi a sera nan portanan, Rode Kruis a bisa cu tin un pobreza enorme na Aruba y por ultimo Aruba Lions a bisa cuanto hende mester ayudo na Aruba. Envez cu ta atende cu e problemanan aki Mike Eman a scohe pa viaha y bai come cu mandatarionan di otro paisnan grandi. Su ego ta mas grandi cu trece solucion pa Aruba.

E retiro di Sra Marisol Lopez Tromp a confirma 2 cos. Mike Eman y AVP ta apoya abuso physico contra hende muher y Mike Eman NO ta un lider. Un lider tey na momentonan e pueblo y pais mester di dje. Un lider no ta bai sconde cada rato cu tin problema. Un lider ta defende su pueblo y no ta doblega y bai un welga di hamber pa haya atencion. Un lider ta presente na su pais y no ausente y ta atende cu e situacionan di su pais.

E decadencia di nos pais a yega te den Parlamento. Miembronan di AVP ta expresa su mes na manera denigrante contra e communidad LGBT y tambe loke a pasa na Orlando. Nan ta insulta otro y te hasta ta agredi na mesun colega di partido, un dama, physicamente. Esaki ta partido AVP!!!! Nan ta abusa di hende muher y envez di condena esaki ta aplaudi loke a pasa, esta un berguenza! Pa Mike Eman e interes personal y e imagen di AVP ta mas importante cu atende cu AVP ta 'juk' e presupuesto di parlamento cu Dammers a golpia Marisol Lopez Tromp!

E degenaracion di nos pais aki NO por sigui mas. Sra Marisol Lopez Tromp a papia hopi cla riba e situacion den partido AVP!

Un voto pa AVP ta un voto pa sigui degenera nos pais!

Pueblo, e cambio ta na caminda!!! Nos mester por haya nos Aruba dushi tera bek!!

Expresionnan haci den e articulo aki no necesariamente ta refleha opinion di ArenaPoliti.co