ORANJESTAD – Pa hopi aña Aruba no a haya atencion pa, loke ta ser yama na hulandes, ‘Leefbaarheid’. Aruba a crece den poblacion y a desaroya, entre otro, su turismo; pero e parti humano di su pueblo a keda atras. Tumando nota di esey, Gabinete Mike Eman a wak e necesidad pa bin cu un balans. E ciudadano mester sinti mesun bon di biba na Aruba, cu e turista ta sinti di bishit’e. Pesey ta bin cu un plan amplio di infrastructura caminda, no solamente kier renoba mas tanto scol y cayanan di bario cu por, pero tambe kier crea espacionan publico di recreacion y movecion.

Areanan manera Linear Park, Linear Park Paradera y Lago Heights ta djis algun ehempel di e vision aki di Prome Minister Eman y su Gabinete cu pa gobiernonan anterior no tabata halto riba nan agenda. “Mi ta sumamente orguyoso cu nos a pone e calidad di bida den e barionan central manera cu nos ta desaroyando e proyectonan di infrastructura tambe,” Minister President Eman a comenta.

Proyectonan manera MFA y manera 'Green Corridor' tin dobel funcion. Ademas di brinda un servicio of haci e fluho di trafico mas lihe y sigur, tambe nan ta compaña pa diferente espacio habri y accesibel pa goso di publico en general.

“Nos mester ta orguyoso cu e Green Corridor no mester ta unicamente cu nos ta bay haya un avenida di cuater caminda awo pa agiliza e trafico, pero tur e area entre caminda y e cas ta bay wordo mehora cu parkenan y cu matanan pa asina e vision di crea un miho calidad di bida pa nos conciudadanonan, ta haya e atencion cu pa hopi aña tabata warda riba dje.”

Expresionnan haci den e articulo aki no necesariamente ta refleha opinion di ArenaPoliti.co