Tumando nota di e noticianan internacional y nacional pa purba descacredita e projecto di reapertura di e refiineria cu PDVSA CITGO, mi ta sintimi yamá pa duna mi opinion y refleccion riba e tema aki.

Prome mi kier expresa cu mi persona y niun hende di MEP no a ricibi niun placa ni bao mesa ni riba mesa relaciona cu e projecto aki, PDVSA CITGO no a paga niun gasto di viahe o otro ni pami ni pa nos den e esfuerso aki pa habri e refineria di Aruba, nos no tawata tin niun narco magnate petrolero den persona di Roberto Rincon pa wine and dine nos y duna placa manera e si a haci cu Gobierno di Aruba y Mike Eman Ministro Presidente di Aruba.

Mi ta expresa esakinan pa tur hende compronde cu e unico motivacion y interes cu nos di MEP tin den defende e projecto di REAPERTURA DI REFINERIA DI ARUBA ta e INTERES DI NOS PUEBLO.

Ora cu mi expresa mi opinion riba e tema aki tambe mi ta pone mi mes den sapato di tur e juinan di tera cu a perde trabao cu e refineria, tur e juinan di tera cu mester a bai den exterior pa traha, y den sapato di tur e contratistanan local y nan trahadornan cu a bai failliet of mester a “size down” nan actividadnan di negoshi.

Y pa tur e cuponan di trabao cu lo wordo crea cu bon salario cu e reapertura di e refineria mi ta PRO E ACUERDO CU PDVSA CITIGO. Pa tur e juinan di tera cu lo bin bek nan Pais pa traha bek cu e refineria mi ta PRO E ACUERDO CU PDVSA CITIGO. Pa tur e contratistanan local y nan trahadornan cu lo haya contract bek cu e refineria mi ta PRO E ACUERDO CU PDVSA CITGO.

Ademas e comercio y progreso cu e reapertura di e refineria lo trece bek pa San Nicolas en particular y Aruba henter, cual impacto economico na fabor lo ta no menos cu 15% di nos GDP. E inversion den e rehabilitacion di e refineria lo ta no menos cu US$ 1.2 billion dollar. E hecho cu e refineria lo opera a base di gas lo haci cu e refineria lo opera di forma mas limpi pa nos medio ambiente y economicamente rendabel pa e propio refineria, e gas lo wordo haci disponibel pa WEB hasi su conversion di su operacion a base di gas cual lo ta miho pa nos medio ambiente y mas economicamente rendabel pa WEB, pero tambe finalmente nos lo por asina BAHA PRIJS DI AWA Y CORIENTE PERMANENTEMENTE PA NOS PUEBLO dor di elimina e factor brandstof clausule den e structura di prijs di awa y coriente y ELIMINA E CRIMEN ECONOMICO CRUEL CONTRA NOS PUEBLO DI HEDGING.

Gobierno di Aruba lo ricibi mas entrada cu PDVSA CITGO compara cu VALERO dor di e curashi di partido MEP expresa dor di mi persona den mi reuion un anja pasá cu PDVSA unda mi a propone pa saka VALERO afor y pa Gobierno di Aruba bira donjo di e refineria y pa nos usa e modelo Korsow pa nos lease e refineria pa cual awe Gobierno di Aruba lo tin danki na e proposicion aki dos entrada: LEASE INCOME Y TAX INCOME: Belasting directo y indirecto.

Pa tur e motibonan aki mi ta PRO E REAPERTURA DI E REFINERIA Y PRO E ACUERDO PDVSA CITIGO cual nos Partido y humildemente mi persona a lucha sumamente duro pa logre. Y awor cu nos a logre nos mester gradici nos Todopoderoso cu nos a wordo brindá como Pais y Pueblo. ADEMAS MI NO KIER NI PENSA PA NOS NA ARUBA KEDA DEPENDE DI TURISMO SO Y SI ESEY PASA DEN TEMPO DIFICIL KIKO LO PASA SI NOS NO TIN NOS OTRO PILAR ECONOMICO. PESEY MI TA PRO E REFINERIA DI ARUBA SU REAPERTURA CU PDVSA CITIGO.

Expresionnan haci den e articulo aki no necesariamente ta refleha opinion di ArenaPoliti.co