E reunion tocante e ley di CITGO segun parlamentario di MEP mr. Juan Ady Thijsen fuera di su importancia economico ta bai den historia como uno di malinforma parlamento di parti di AVP. Di antemano tabata di spera cu e ley lo pasa pasobra mientras gobierno a presenta e ley tabata esfuerzonan di oposicion a conduci na e ley. Di parti di gobierno tur esfuerzonan tabata ser haci pa desvia e atencion cu ta logro di partido MEP. Despues di cu AVP a vota contra mocionan pa reapertura tabata na final di 2014 cu gobierno a indica di ta bai over pa escohe e rumbo di desmantelacion. Pueblo no a acepta y a acudi na gran cantidad e anochi di 27 februari 2015 riba un yamado di Grupo Accion Ora Cero di partido MEP. Na maart un accion di firma exitoso a tuma lugar na San Nicolas. Sinembargo gobierno na April pa medio di Ministro Mike de Meza ta anuncia desmantelacion den dos luna. Akinan ta na unda Glenbert Croes exitosamente ta mande un email pa gobierno venezolano y e resto ta historia culminando ayera den aprobacion di e ley di CITGO. Segun parlamentario di MEP mr. Juan Ady Thijsen den un intento pa desacredita e trabaonan di MEP den cuadra di reapertura di e refineria Ministro Mike de Meza a bai tira un para bisando cu e anochi di accion Ora Cero dia 27 di februari 2015 Mike de Meza tabata na Houston negociando cu Citgo. Esaki a resulta un mentira grandisimo mirando cu documentonan di parlamento ta indica cu Ministro Mike de Meza e anochi di 27 di februari no tabata na Houston sino na e isla di Tortola, British Virgin Islands. Ademas Citgo mes a bin den picture despues di e email di Glenbert Croes y tabata te na final di anja cu Hulanda a haci un quickscan y a autorisa pa negocia cu CITGO. Parlamentario di MEP mr. Juan Ady Thijsen ta lamenta cu ministronan di gabinete Mike Eman ta sigi malinforma e organo di mas importante di nos pais esta Parlamento.

Expresionnan haci den e articulo aki no necesariamente ta refleha opinion di ArenaPoliti.co