Evelyne unda Bo tabata ora Bo famia tabata cobra pa un edificio bashi ! 

Cu gran asombro mi por a tuma nota, di un articulo di sra Evelyne wever Croes, caminda e ta purba di hustifica, e echo cu e nota dia cuerdo cu e desaroyo, cu ta tumando lugar na San Nicolaas. Parlamento di Aruba tabata tin un reunion di a10 di oktober, caminda a apodera gobierno pa asin huur un edifici, for di monumentenfonds. Cual por sierto ta di gobierno, mester bisa cu gobierno di diferente signatura a hasi esaki cu monumentenfonds. E edificio caminda algemen reken Kamer ta awor, caminda registro civil ta, water toren y asina nos por sigui mensuiona. Esaki nan ta huur contract nan pa garantisa, cu monumentenfonds ta haña fondonan y na nan turno, ta sigui cumpra edificionan cu mester wordo restaura y ta ganatisa pa scapa parti, di nos patrimonio histórico. Pero manera nos sa caba sra Evelyne Wever Croes, ta biba den negativismo tur cos ta negativo pe, nada no por bay bon. Lamentabel ta cu el a vota contra e ley aki, pa San Nicolaas no por sigui cu su desaroyo, manera cu minister di cultura a bin ta hasi te cu awor. Loke tabata remarcabel ta cu su colega di partido sr Glembert Croes, a bandona e sala ora di vota, nos ta asumi cu paso e si no tabata di acuerdo pa vota contra San Nicolaas, por a tuma nota cu Chris Romero y Ady Thijzen cu tambe ta di pariba di brug, no a bin pa participa den e reunion aki. Awe Evelyne Wever Croes e lider di Mal Ehempel pa Pueblo M.E.P, kier bin papia di ken ta bay paga, cu lo ta traha debe pa jiu y nietonan, loke ta straña mi ta cu aki nos ta papia, cu gobierno lo bay huur for di gobierno mes, pa medio di monumentenfonds. Dia cu tabata tin fiesta di Friends and Famaly si Evelyne no a pensa, cu ta nos jiu y nietonan lo mester bay paga, e huur nan di su famianan. Tur hende ta corda Gold Mine Properties, manera e nomber mes ta bisa mina di oro, cu ta di famia directo di Evelyne Wever Croes, el lider di Mal Ehempel pa Pueblo M.E.P. Compañía cu tabata tin un edificio ta huur cu gobierno, cu tabata para bashi y cu  a costa e pueblo aki mas cu 1 miyon florin, dicon e no a bisa su famianan e tempo ey, pica pa pueblo no cobra e placa ey paso e edificio tabata basi y gobierno no a use, al contrario cobra nan a cobra pa joyo di e placa aki. Un contract cu por sierto, cu manera nos por a wak den medionan di comunicacion, a wordo firma enter sobrino y tio minister, contra tur etica di bon gobernacion. Manera mi a bisa caba un par di biaha “Aruba Merece un Mihor Oposicion”!!!

Expresionnan haci den e articulo aki no necesariamente ta refleha opinion di ArenaPoliti.co