E echo cu a tuma lugar den Parlamento na unda tabata tin agresion door di Chris Dammers riba Sra. Marisol Lopez Tromp y na unda keho oficial a ser entrega na Cuerpo Policial  a bay contra nos leynan stipula den nos constitucion.

Nos ley constitucional 
Segun nos leynan constitucional, unabes bo ataca un perona of colega na pia di trabao bo ta wordo kita for di trabao di inmediato. Pa cualkier motibo bo ataca un persona y peor ainda un dama unda cu ta y keho wordo entrega e agresor mester wordo deteni di inmediato. Peor ainda un parlamentario cu a huramenta dilanti Gobernador di cumpli cu tur derecho segun nos leynan constitucional. Esaki ta nifica cu si un parlamentario actua den forma di violencia contra un colega of un conciudadano durante 24 ora pa dia 7 bes pa siman mester wordo retira di inmediato ya cu el a kibra y a bay contra su huramento dilanti nos Gobernador y dicon esaki no ta e caso contra Chris Dammers? Esakinan ta echonan cu lamentablemente cualkier ciudadano lo por uza den su contra si algo asina sosode, pasobra cu e sucedido di siman pasa cu dos Parlamentario y di no a mantene na nos leynan constitucional ta duna tur ciudadano e mesun derecho y esaki ta totalmente condenabel.

Nota 
Tempo cu Sra. Xiomara Ruiz-Maduro a medio halsa su bos den Parlamento defendiendo nos pueblo di Aruba a yama Polis p’e pa e wordo saca for di sala di Parlamento.
Tempo cu Sra. Evelyne Wever- Croes tabata debati honestamente defendiendo nos comunidad den Parlamento a manda yama polis pa intimida y pa mustra cu lo sak’e di Parlamento.
Tempo cu e conciudadano Sr. Rocky Kelly a kima su propio auto como protesta dilanti di edificio di parlamento sin cu Presidente di Parlamento tabata cerca of presente a considera Sr. Rocky Kelly como un peliger y a prohibie pa no drenta parlamento mientras nos presidente di Parlamento ta core mas peliger rond di su mes un coleganan. Dicon no a yama polis e biaha aki cu si tabata tin agresion contra presidente di Palamento? Dicon no a detene Vice presidente di parlamento Chris Dammers despues cu un keho oficial a wordo entrega na Cuerpo policial? Dicon te dia di awe no a schors Presidente y ni vice presidente for di nan funcion mientras cu investigacion ta tumando lugar?
Pero sigur cu si, si ta un ciudadano di homber of muhernan balente haci tal sigur cu lo wordo manda cas di inmediato y esaki ta casonan cu a tuma lugar y te hasta a perde trabao. Y ta con bin aki ta trata di parlamentarionan huramenta dilanti nos Gobernador ainda ta den funcion cu tur prueba fuerte cu ta coriendo tur rond di mundo ariba medionan social cu a yega te hasta na Gobernantenan na nos Madre patria, ainda ta na trabao?
Movimiento Electoral di Pueblo lo sigui e desaroyonan di cerca, pasobra pa MEP ta  condenabel totalmente pa acepta  violencia contra di hende muher.

Expresionnan haci den e articulo aki no necesariamente ta refleha opinion di ArenaPoliti.co