Cu e medidanan di Gabinete Mike Eman 1 y 2 a raiz di nan propio desastre financiero ocasiona pa nan propio irresponsabilidad garafal den maneha fondonan di Pueblo, awe mas cu nunca ta urgente nos logra aproba e Ley di Canasta Basico Nobo cu Fraccion di MEP lo ta presentando na Parlamento pa su aprobacion.
E Medida Anti-Pueblo di BBO AZV y tur e otro medidanan tin un impacto fatal riba e cartera di tur famia na Aruba. Gobierno ta mustra di no kier recapacita y corregi. Gobierno di AVP ta mustrando di no ta importa e dolor y necesidad cu nos Digno Pueblo ta pasando aden.

A hisa prima di AOV cu Pueblo ta pagando, a hisa edad di pensioen di biehez y a kita 5 anja di bida di pensioen di e Pueblo trahador, a hisa prima di AZV cu Pueblo ta pagando, a bin cu e medida fatal di BBO AZV, a hisa edad di pensioen pa tur ambtenaar y gelijkgestelden, ta cobra pa colecta sushi, a hisa prijs di Coriente y Awa, a hisa Gasoline, a hisa Pan, a hisa Gas y ainda falta mas medida pa bin. Nos Digno Pueblo no por soporta mas sota di medida di e Gobierno Anti Pueblo di Mike Eman.

Pesey e Ley di Canasta Basico Nobo ta mas urgente cu nunca. E ley y cambionan lo contene cu alrededor di 80 producto di primera necesidad pa nos Pueblo cual prijsnan lo wordo stipula dor di Gobierno pa evita speculacion cu prijs causando asina aumento inhusto den costo di bida pa nos Pueblo. Tambe riba tur producto di primera necesidad lo no paga niun BBO ni BBO AZV tampoco. Alavez atravez di e Ley di Canasta Basico Nobo nos lo combati e aumento di Coriente y Awa, tambe nos lo combati e huurnan di cas y apartamentonan caro pa asina regula huur di casnan y apartamentonan na prijsnan cu tur Famia Humilde na Aruba tin e posibilidad pa brinda nan famia un dak, un hogar pa henter famia.

Partido MEP como e Partido di Pueblo na defensa sagrado di e bida, porvenir, derecho y libertad di nos Pueblo ta e Partido yamá pa bai bringa den un forma radical e Gobierno anti-Pueblo di Mike Eman. AVP=ANTI VOLKS PARTIJ, e partido ANTI PUEBLO AVP su Gobierno mester wordo tumba sino AVP ta tumba nos Pueblo. Nos no por soluciona e problemanan na nos Pais, nos no por salba nos Digno Pueblo y e Porvernir di nos Juinan cu AVP den Gobierno. AVP cu a zink Aruba, hamas por soluciona e problemanan den cual e la hinka henter nos Pueblo. AVP mester bai. E Gobierno Anti-Pueblo di AVP mester bai. E MESUN PUEBLO CU A PONE AVP DEN GOBIERNO TA E PUEBLO CU LO BAHANAN. NINGUN PUEBLO TA SOPORTA E ABUSO Y TRAICION DI CONFIANZA AKI CU AVP A COMETE CONTRA HENTER NOS PUEBLO. E PUNJAL DI AVP DEN LOMBA DI HENTER NOS PUEBLO NO TA ACEPTABLE MAS. E GOBIERNO AKI MESTER BAI CAS DI UN FORMA OF OTRO.

Expresionnan haci den e articulo aki no necesariamente ta refleha opinion di ArenaPoliti.co