Gobierno di AVP a buta hala di trampa pa comunidad den e famoso Dialogo Social. Mi no ta wak e resultado positivo den esaki aunke mi ta mira e balor agrega pa Gobierno sinta cu stakeholders pa hiba un maneho mas efficiente posibel. Nos por wak cu na paisnan Europeo esaki ta funciona basta bon depende ken ta den gobierno anto na Aruba esaki aparentemente ta mescos. Desde 2009 MinPres Mike Eman ta bezig ta firma hala di protocol cu no a resulta den hisa e calidad di bida di Buchi y Maria anto e ora ey mi mester cuestiona esaki severamente. Ana pasa Parlamento a introduci un aumento di 2% BBO\BAZV na ana 2014. Nos por a wak con e fraccion di AVP a defende esaki y cu e tawata necesario pa salba e fondo di AZV. No solamente e tawata un otro reunion sin contenido di parti e fraccion berde pasobra ta e mal uso di fondonan di AZV ta e problema pero e tawata un blunder administrativo pa commercio y oficina di impuesto. Gobierno su maneho ta asina malo cu no ta duna su bijdrage manera ley di AZV ta stipula un suma di 124 Miyon florin, dus kico e lider di fraccion di AVP a haci cu su funcion di control como Parlamento??? Segun AVP a baha e prima cu e trahado y pensionado tin cu paga cu 1%, pero esaki no ta un aumento den poder di compra. Segun Sr. Herde AZV ta wordo fortifica y ta bira menos dependiente di gobierno. Awo na December 2015 nos a tuma nota cu e placa aki no ta bay directamente pa AZV pero gobierno ta keda cu e placa aki pa sigui derocha placa di pueblo. Ni director di AZV ni e raad van commisarris no ta hik pasobra nan sa cu gobierno no lo tolera oposicion un desaroyo sumamento alarmante pa nos derecho di estado. Sr. Herde ta bay asina leeuw di bisa cu enbes e poblacion local paga e BBO\BAZV awor e ta wordo paga pa tur esnan cu cumpra algo riba nos territorio dus turista tambe. No tawata mihor e ora pa ELIMINA BBO\BAZV pa nos pueblo y hinca esaki den un ley unda turista so ta paga logico esaki lo ta desastroso pa nos economia. Asina nos por wak con Gobierno di AVP ta brasa e belasting indirecto aki di MEP cu nan a demonisa den campana pa gana eleccion pero awo ta brase te aumente na 3.5%. Tur indicacion di CFT ta mustra cu e lo bay ta mas cu 7% dependiendo di e desaster financiero ocasiona pa Sr. Eman y su gobierno. No ban lubida e aumentno di AOV anto hisa e edad di pensioen cu 65 ana. Lagando e mercado laboral mas vulnerable pa nos hendenan. E efecto ta bisto cu awor tin hobenan cu a caba school no ta hana trabao un percentage haltisimo di 28.8% ta esaki Fraccion di AVP no kier acepta anto gobierno menos. Gobierno di MEP di 2007 a introduci BBO y a recompensa tur sector di nos economia na un manera responsabel. A logra hana den entrada di 2007 te 2009 472 Miyon florin anto a usa esaki bek den varios proyecto pa beneficio di nos pueblo pero e gobierno actual di 2010 te 2014 a sa di hana di e post aki 728 Miyon florin anto asina mes nan no a pasa placa pa AZV manera presupuesta. Un gobierno sin etica y manipulador den dia cla.

Solucion Nos di Movimiento Electoral di Pueblo bao liderasgo di Sra. Evelyne Wever Croes a bisa cu mester recobra bek intergridad den gobernacion. Mester bin cu leynan drechi pa screen politico, ley pa regula financiamento di partidonan politico y tambe control estricto riba integridad di gobernantenan y un ministerio publico cu ta investiga gobernantenan sin miedo. Nos pueblo merece un mihor cuido medico mester haci hopi mas na un manera transparente y sin lubida mantene costo na nivelnan aceptabel. Miho maneho di gastonan di AZV, tin hopi vet pa corta. Mescos cu tin normanan financiero den bon gobernacion cu e gobierno aki a ignora totalmente.

Expresionnan haci den e articulo aki no necesariamente ta refleha opinion di ArenaPoliti.co