Medida ta bin pa pueblo pero AVP keto bay ta fix su hendenan! E biaha aki ta Alex Tromp ex parlamentario di AVP ta esun na turno pa wordo gefix cu un pocicion. Dia 19 december 2014 ministerraad a bay di acuerdo pa duna Alex un contract cu schaal 16 (8915 florin) plus 25% (2228 florin) plus 250 florin di autokostentoelage plus 250 florin toelage pa telefoon. Dus Alex a wordo gefix cu un contracto cu e salario barbaro di 11643 florin pa luna!!!! Bale la pena ta berde! E decicion di ministerraad ta menciona cu Alex lo traha como miembro di e management team di CBS desde 1 di januari 2015, pero pa nos sorpresa nos a topa Alex ta cana rond den parlamento. Parce cu Alex no a bay traha na CBS pero a presenta na parlamento na unda cu e ta traha como e di dos fractiemedewerker pa e fraccion di AVP ganando salario di parlamentario!!! E siman aki mes den reunion di comicion nos por a mira Alex fuera di tur regla di parlamento sinta banda di Baba y den stul di parlamentario ta tuma nota pa fraccion di AVP. Alex a mustra cu na unda otro no por yega sinta e como AVPista fiel ta yega trapa riba tur regla y sinta cu bendicion di Baba cu ta consenti tur cosnan for di sla den parlamento. AVP a mustra cu cuidadanonan manera Rocky Kelly no por drenta parlamento, pero nan hendenan ta drenta unda cu ta y ta sinta unda cu ta. Presidente di Parlamento ta midi cu hopi midi! 

Awor pueblo di Aruba por wak unda su placa ta bay y pakiko ta bin tanto medida. AVP mester fix su hendenan na grandi y e biaha aki placa di pueblo mester paga pa Alex cana rond den parlamento ganando salario barbaro!!!

Expresionnan haci den e articulo aki no necesariamente ta refleha opinion di ArenaPoliti.co