Den e ultimo simannan varios noticia ta circulando relaciona cu negociacionan pa re-apertura di e refineria. Gabinete Eman pa medio di Minister de Meza a firma algun acuerdo pero nada definitivo. Pa nos di MEP e ta di vital importancia pa e proceso por wordo acelera pasobra e refineria ta e di dos pilar economico pa nos pais y pa medio di su reactivacion e lo evita mas implementacion di medida door di Gabinete Eman.

Desmantelacion di e refineria aworaki no ta un opcion pa nos pais pasobra e patrimonia aki lo mester percura pa bienestar y prosperidad pa nos pais.Nos no mester exclui e posibilidad cu por tin gas den nos subsuelonan y un refineria lo ta importante pa cu e desaroyo aki. Basa riba e importancia di e refineria nos fraccion a entrega un mocion pa asina urgi Gobierno di Aruba hasi su maximo esfuerzo pa finalisa e acuerdonan necesario pa logra RE-APERTURA di e refineria di Aruba cu PDVSA CITGO.

Expresionnan haci den e articulo aki no necesariamente ta refleha opinion di ArenaPoliti.co