Den e ultimo dianan aki ta diferente noticia ta circula referente e desaroyo di refineria na Aruba. Un dimi tareanan ta mantene contacto cu PDVSA y nos por informa pueblo cu e compromiso di CITGO ta uno grandi pa realisa e re-apertura di refineria na Aruba. Apesar cu hopi hende ta nervioso pa cu e desaroyo di petroleo PDVSA y CITGO ta mira oportunidadnan grandi pa nan compania y di balor sumamente grandi pa Aruba y su economia. 

Tambe e posibilidadnan di opera e refineria riba gas y despues pa hasi esaki realisabel pa WEB ta plannan ambicioso pa bienestar di Aruba. Aruba ta bendiciona pasobra no tawatin ningun otro compania interesa den e refineria y mi ta optimista cu cosnan lo bai concretisa. Ademas e aspecto laboral tin nos atencion y pesei nos lo kier percura pa tur yui di tera haya e oportunidad pa haya trabou eynan. 

Pueblo no mester ta nervioso pasobra e negocionan pronto lo revela e re-apertura oficial y ta nos compromiso pa continua na vigila e proceso aki di serca. Realidad ta cu gobierno di Venezuela , PDVSA y CITGO tin interes grandi y lo bai inverti 1.2 biyon dollar den e refineria. Pesei e ta importante pa gobierno hasie bon cla na Valero pa coopera y traspasa tur propiedad. 

Expresionnan haci den e articulo aki no necesariamente ta refleha opinion di ArenaPoliti.co