Nos ta biba den un Mundo di cual nos tin cu hasi extra esfuerzo tur dia pa logra un mihor sociedad, pa asina nos por biba den un convivencia sano, cu respet mutuo y pa cual e practica di balor no ta un casualidad sino un hecho. Pa cu esaki mi ta coincidi cu tur otro, cu ta pensa y kere cu formación di e hende den su desaroyo humano fundamenta door di principio, ta indispensabel.
Educacion ta nace den un hogar, a base di balor y esaki ta fortalece cu ayudo di educación na scol cual ta guia nos conocimento.  

Cu e mensahe aki mi kier desea éxito na tur alumno, cu e aña escolar aki ta uno fructífero y cu nos Señor Dios por drama hopi sabiduría ariba boso. Keda leu di alcohol y droga, cual ta dos fenómeno cu ta dañino pa bo curpa y cu lo tin consecuencia cu bo no lo por logra bo meta nan pa bo futuro. Si den cualquier momento bo ta sinti cu bo no lo logra, sigi lucha y keda positivo.

Na mayornan, boso ta e prome educadornan den bida di boso yiu, boso ta esun cu tin e mayor influencia de bida di boso yiu. Ora cu bo concentra den e educación di bo yiu, esaki lo destaca mucho mas cu normal. Tur mucha tin e poder pa ta exitoso den su educación como tambe den su bida, pero cu ayudo di mayornan esaki naturalmente lo ta sin duda un hecho.

Sin laga afo educadornan, boso nan tin e jabi pa juda e alumno nan habri y pasa door di e porta cu jama éxito.Un responsabilidad grandi, cual ta rekeri hopi pasenshi. Un danki di antemano pa e pasenshi y amor cu boso lo duna nos yiunan e aña escolar nobo aki.

Expresionnan haci den e articulo aki no necesariamente ta refleha opinion di ArenaPoliti.co