Den Haag –  Na embahada di Chekia na Den haag a tuma lugar firmamento di un tratado di TIEA – Tax Information and Exchange Agreement – entre Aruba y Chekia.
Den nomber di Chekia a firma Embahadora Cheko na Hulanda Jana Reinišová. Den nomber di Aruba a firma Minister Plenipotenciario Alfonso Boekhoudt.

E tratado menciona ta stimula e intercambio di informacion entre Chekia y Aruba y ta di importancia pa combati fraude fiscal.  Cu e tratado aki Aruba ta garantisa un sistema huridico stabil cu ta nesesario pa crea un brug entre Latino America y Europa.

E tratado ta inclui tur impuesto imponi y administra na Aruba, mientras cu den caso di Chekia, e ta inclui impuesto di tur sorto y tipo cu ta keda implementa na Chekia.

Expresionnan haci den e articulo aki no necesariamente ta refleha opinion di ArenaPoliti.co