Exito na tur studiante! 

Educacion ta un instrumento cu ta habri porta pa tur hende y ta expande e ser humano su conocemento. Pa medio di e conocemento obteni esaki ta prepara abo como individual pa por soluciona problema, educa otro den nos comunidad, funciona riba nivelnan halto pero tambe ta pioneronan di ideanan cu por transforma mundo. 

E importancia di educacion no mester wordo balota pasobra e ta duna e hende conocimento pa sobrebibi. E habilidadnan cu e ta duna e persona ta e basico di por lesa, comunica y por traha cu otro. 
Sin educacion e chance pabo por haya un bon trabou ta limita. Door di esaki educacion como instrumento e lo lagabo avansa di status economico pero sin dje bo oportunidadnan pa hiba un bida economicamente fuerte ta keda abou. 

Nos gobierno mester pone hopi mas atencion riba educacion pasobra esaki mes por hasi nos economia fuerte pasobra un poblacion bon educa ta trece prosperidad pa nos pais. Tur e plannan cu no a funciona di gobierno ta indica cu mester bai pone mas atenciona na e educacion di nos pueblo cual automaticamente lo tin su efecto economico positivo pa cada famia. Inverti den educacion mester ta un obligacion y su frutonan ta pa termino largo! 

Pa termina mi persona kier a desea tur hoben cu lo inicia e schooljaar 2015/2016 hopi confiansa den bo mes, perservancia y determinacion den boso estudio y educacion. Pero tambe palabra di exito ta bai na e adultonan cu di un forma of otro a interumpi nan educacion y awor lo cuminsa bek. Nunca ta laat pa studia y e solo accion cubo ta bai cuminsa ta bisa cubo a dicidi caba cubo kier tin un mihor futuro pabo y bo famia. Educacion ta e jabi di exito y prosperidad pa nos pais ...exito! 

Expresionnan haci den e articulo aki no necesariamente ta refleha opinion di ArenaPoliti.co