Como un Tata/Ciudadano mi ta desea e pueblo di Aruba un bon aña escolar 2015/2016. Mi sa cu ta hopi duro pa varios hogar aki na Aruba cu e situacion financiero/economico di Aruba. Ora nos pueblo eligi un Gobierno ta netamente pa esaki nos ta bay urna electoral pa laga un grupo di politico/ciudadano hiba un Gobernacion unda cu e percentage mas halto di felicidad por yega na tur hogar/famia aki na Aruba. Sin importa nan clase social-economico, origen, rasa, credo, sexo, religion of cualkier otro cos no por pensa pa nos discrimina otro. Lamentablemente Aruba no ta den su mihor momentonan y esaki tin hopi di haber cu Gabinete Mike Eman I y II. Nos tin un Parlamento cu ta sostene Gobierno ciegamente riba interés di nos digno pueblo. Nos di Movimiento Electotal di Pueblo (MEP) no kier nos pueblo perde speransa. Ban yuda otro den Solidarismo pa nos por sobrevivi e periodo malo y duro cu nos ta bibando aden. Mi kier a desea tur mayor, docente y alumno un aña escolar 2015/2016 sumamente exitoso. 

Mi ta termina cu un dicho di Martin Luther King Jr. "The function of education is to teach one to think intensively and to think critically. Intelligence plus character - that is the goal of true education."

Expresionnan haci den e articulo aki no necesariamente ta refleha opinion di ArenaPoliti.co