Cu e dicho aki di defunto Nelson Mandela mi persona Edgard Vrolijk kier a motiva studiantenan, docentenan y mayornan pa reflexiona riba e dicho aki unda cu cada un di nos tin e arma cu yama educacion na nos disposicion y cu ta nos hunto ta dicidi unda nos kier yega den bida cu esaki. Awendia nos tur sa cu enseñansa tin su retonan, pero tambe con dificil y caro enseñansa a bira, pero esaki no mester ta un obstaculo pa bo por progresa. Nos mester cuminsa aña 2015-2016 cu alegria y positivismo y trata hunto di logra lo maximo pa cada un di nos studiantenan.

Pa e motibo aki mi persona kier a desea cada un colega den enseñansa un bon aña escolar 2015-2016 cu lo ta yen di retonan pero cu nos lo sa di supera y traha duro na bienestar di nos studiantenan. Pero tambe nos no por lubida di desea mayornan tambe tur cos bon pa nan yiunan pa aña escolar 2015-2016 pasobra cada mayor ta hunga un rol importante den progreso di nos yiunan.

Terminando mi tin di bisa cu hunto nos por logra hopi cambio positivo den enseñansa na bienstar di nos dushi isla Aruba.

Expresionnan haci den e articulo aki no necesariamente ta refleha opinion di ArenaPoliti.co