Na vispera di e GRAN NOTICIA DI E REAPERTURA DI E REFINERIA DI ARUBA mi ta desea desde Venezuela informa nos Digno Pueblo di Aruba cu E CONDICION A WORDO LOGRÁ PA SIGURA E REAPERTURA DI E REFINERIA DI ARUBA.  

Mi mision na Venezuela tawata pa sigura cu pase loke pase cu e meta sagrado di nos lucha pa logra e reapertura di e refineria di Aruba wordo sigurá y wordo lográ. Mi a considere di vital importancia pa ta na Venezuela desde 5 di December diasabra ultimo pa asina acompanja e proceso den su fase crucial unda PDVSA CITGO lo ta tumando e decision final y logra e acuerdo cu Gobierno di Aruba pa logra e reapertura di e refineria di Aruba. Awor cu Gobierno di Aruba ta na Houston pa hunto cu PDVSA CITGO logra e acuerdo, MI POR CU GRAN PLACER INFORMA NOS DIGNO PUEBLO CU E CONDICION TA LOGRÁ PA HABRI E REFINERIA DI ARUBA BEK.

Mi a priminti nos Digno Pueblo di lo ta vigilante,alerta y cu lo mi paralelamente di Gobierno di Aruba, acompaña e proceso di mi banda pa sigura cu pase loke pase nos logra habri e refineria bek.

E enemigonan di e reapertura di e refineria tin un majoria den Parlamento ora bo mira con continuamente Fraccion di AVP a purba stroba nos esfuerzonan pa logra e reapertura di e refineria di Aruba. Den Conseho di Minister e gran majoria di e Ministernan di Gabinete Mike Eman y e propio Prome Minister Mike Eman ta CONTRA E REAPERTURA DI E REFINERIA DI ARUBA.

Nos plegaria na nos GRAN DIOS pa ilumina nos caminda den cumpli cu e GRAN ANHELO DI NOS DIGNO PUEBLO PA MIRA E REFINERIA DI ARUBA HABRI BEK, NOS GRAN DIOS A TENDE MANERA SEMPER E CLAMOR DI SU PUEBLO NOS DIGNO PUEBLO DI ARUBA.

Pesey awe NA VISPERA DI GRAN NOTICIA MI TA DESEA DI DUNA NOS DIGNO PUEBLO UN GRAN DANKI PA BOSO FE Y ESPERANSA INKEBRANTABLE Y BOSO CONFIANSA Y SOSTEN PA SOSTENE E CAMINDA DI LUCHA CU COMO REPRESENTANTENAN DI PUEBLO NOS COMO PARTIDO MEP A CANA PA LOGRA E META SAGRADO AKI.

E MOMENTO TA SERCA, Y E GLORIA Y VICTORIA LO TA PA SEMPER PA NOS DIGNO PUEBLO Y E FUTURO DI TUR NOS JUINAN.

Expresionnan haci den e articulo aki no necesariamente ta refleha opinion di ArenaPoliti.co