PPA  si ta kere fielmente den desaroyo di San Nicolas como parti di e product turistico di pais Aruba. Pero e gobierno cu ta ejerce esaki mester kere fielmente den esaki  y ejecutele seriamente. Locual nos ta duda cu e actual gobierno ta hasciendo….Tur cos ta mustra ‘ad hoc’  sin planificacion real y esey ta di lamenta.

Pero……pa logra hasi San Nicolas un  exito den e plan aki ….PPA ta visualisa tres  desaroyo mas cu nos ta considera di suma importancia:

1. Desaroyo  di un curazon  economico !  Aki nos ta referi  na justamente e asina jama ‘promenade’ cu awor ta worde renova. Aki mester desaroyo un curazon di TRES restaurant attractivo (x Acme Store cu ja ta cumpli cu esaki  pero mester worde sigui pa un restaurant international den Uncle Louis Store y un restaurant na e otro banda ex All Electric Sales/Benito’s’. Si nos logra e  curazon aki  mas y mas inversion lo tuma lugar pa parti di entrepreneurnan cu ta kere den un desaroyo asina .

2. Complex di  International Golfcourse cu 3 hotel:  PPA ta kere fielmente den desaroyo di un internacional  golfcourse ’18 holes…y upgrading/mantencion di e golfcourse existente na San Nicolas combina cu construccion di 3 hotel  di cual a lo menos uno lo mester ta un spa hotel cu tur fascilidad moderno cu por tin y na unda e otro 2 hotel lo mester ta entre 3/4/5 star hotels  cu NO ta ‘All inclusive’ hotels.

3. Festival Caribense annual: (p.e.  CARIMU FESTIVAL(Caribbean Music  !!)
   San Nicolas ta conoci como e districto na unda  steelband, Calypso, Soca y Carnaval a inicia. Esaki no mag di bai perdi !!  PPA ta kere den un evenemento  regional  cu lo mester tuma lugar TUR anja..p.e.  na luna di  September/oktober cu lo ensera un ‘festival Caribense’…un anochi p.e.  musica Latino……bachata y mas……un anochi  Calypso y Soca y un anochi p.e.  raegae etc……e evento aki lo mester worde accompanja pa anochi di apertura den cayanan di San Nicolas cu benta di artesania local y musica  di tur genre  cu aruba conoce…..y un anochi di seramento di e festival tambe den cayanan di San Nicolas.  Kada anochi un grupo di musico arubano lo hanja oportunidad pa duna nan presentacion ‘meimei’ di  gruponan/cantantenan invita  Un festival asina lo duna San Nicolas, Aruba un nomber den Caribe y lo atrae turistanan for di Caribe pa Aruba y San Nicolas. Gobierno/Ata  y e organisadornan lo mester  ‘mercadea’ e actividad aki  anualmente den Caribe.

E evenemento aki lo por worde  subsidia pa  gobierno/ATA y tres instancia commercial.

4. Transportacion di turista cu ‘streettrolley’ pero como  Tourbus !!
   
   PPA ta kere den un sistema di transportacion di turista  ..directamente pa San Nicolas y PPA cu ta e unico  partido cu e projecta un ‘streettrolley’ pa Oranjestad …..a projecta na mes momento  un projecto cu ta ensera  uso di ‘busnan estilo trolley’ cu lo duna  tournan solamente pariba di Brug……….y cu ta obliga di funciona segun un route cu ta ensera bishita di un 5 pa 7 sitio  pariba di Brug y cu lo mester  bishita e centro commercial turistico  di San Nicolas. 
   
   

5. Pa ejecuta un plan manera ‘San Nicolas, Our Caribbean Town’ y diferente di e puntonan menciona den nos programa mester di un gobierno cu ta planifica y ejecuta na un manera serio. Fuera di esaki lo mester  reserva fondo anualmente  pa mercadea esaki den Caribe henter  cual lo contribui na desaroyo di turismo Caribense riba nos isla den cual San Nicolas como  centro den e desaroyo aki.
   
   

PPA no ta mira cu locual ta sosode bao di e gobernacion aki NO ta jega ni lo minimo di locual PPA a projecta den nos vision ‘ San Nicolas, Our Caribbean Town’  y nos ‘Agenda for San Nicolas. Mas ainda PPA ta accentua locual ta tumando lugar keto bai ta tumando lugar al estilo ‘AD HOC’ cual no ta contribui na un desaroyo di turismo na San Nicolas.

Pa colmo permiso pa desaroyo di un UPGRADER envez un refineria lo trece  e holor di sulfur  esta holo di ‘webo putri’ bek  cual holor lo frena desaroyo di un direccion nobo estilo commercial/turistico na y  pa San Nicolas. Lastima pero esaki ta e realidad amargo.


Aruba, 18 di juli 2016                                      Lider Politico di PPA

                                                                           BENNY NISBET

Expresionnan haci den e articulo aki no necesariamente ta refleha opinion di ArenaPoliti.co