Minister Bermudez: “Pronto procesonan di DRH lo wordo ehecuta den forma digital”
Oranjestad – Diahuebs merdia Minister di Finanzas, Angel Bermudez, a formalisa un proyecto di digitalisacion pa Departamento di Recurso Humano (DRH). E mandatario a firma e convenio entre DRH y ITP pa asina duna inicio na un otro avance pa e departamento.
E companiaITP ta un compania local cu a wordo otorga e proyecto di digitalisacion yama “Join/Join Connect”, cu lo cuminsa fin di Juli y lo dura aproximadamente 3 luna. Segun splicacion di e mandatario e proyecto aki ta wordo financia pa Fondo Desaroyo Aruba (FDA), den cuadro di automatisa mas tanto posibel e administracion di filenan di henter personal di Gobierno.
Minister Bermudez ta positivo cu esaki lo ta gran aporte y resfuerzo pa e personal di DRH.“E filesnan, e procesonan ora ta trata cambio den posicion huridico di personal sigur por cana mas lihe y efectivo”, Minister Bermudez a remarca.
Expresionnan haci den e articulo aki no necesariamente ta refleha opinion di ArenaPoliti.co