Pa promer biaha den histioria di nos pais desde anja 1986, AHATA ta entrega un mocion di desconfianza contra un minister di turismo. Nunca antes den historia di nos pais esaki a sosode caminda cu AHATA no kier traha mas cu e minister di tuismo.

E crisis den nos turismo ta completo na e momentonan aki. Tin caida den stayovers, tin caida den REV PAR, tin caida den grado di occupacion y tin caida den cantidad di placa cu turista ta laga atras. E situacion actual den nos industria turistico ta hopi tenso y a sali for di man. Loke Otmar Oduber ta haciendo ta afectando nos turismo y e ta destruyendo e sector aki.

Na momento cu 3 miembro di AHATA cu ta miembro di board di ATA ta entrega nan retiro ta pasobra nan a perde tur CONFIANZA den Otmar Oduber y den directora di ATA! Turismo ta den un CRISIS SERIO y si no bin accion Otmar ta kibra nos unico pilar economico! Esaki ta un MOCION di DESCONFIANZA contra Otmar Oduber!. Pa promer biaha den historia di nos pais AHATA ta perde confianza den un minister di turismo. E miembronan NO ta contento cu e maneho actual di ATA!

Nos pais ta pasando den momentonan dificil y awor nos unico pilar economico ta wordo maneha pa un hende cu tin guerra cu tur gremio y no kier scucha di ningun hende. Otmar Oduber su manera di dialogo a causa un crisis serio den industria turistico. Cu e retiro di 3 miembro di AHATA for di e board di ATA ta demostra cu no solamente nan NO tin confianza mas den e minister pero tambe cu nan NO kier sigui traha hunto cune. Un decision asina mester por pone e minister para keto un rato y reflexiona loke e ta causando cu su arrogancia y terkedad. Pueblo no a dunabo e mandato pa bai dicta, pueblo no a dunabo e mandato pa bira ignorante. Pueblo a dunabo e mandato pa scucha tur hende den e communidad aki.

E problemana den nos turismo a escala y nos ta sumamente preocupa con ta bai sigui dilanti. Otmar Oduber a afecta e relacion asina hopi cu lo dura tempo pa drecha esaki bek. Un cos ta sigur, AHATA NO kier traha mas cu Otmar Oduber y NO tin ningun confianza mas den dje. Na momento  cu e partner di mas importante den turismo no kier sigui traha cubo bo mester cuminsa evalua bo posicion y cuminsa saca bo conclusion ki danjo bo ta haciendo y haci nan nos turismo. Cu un actitud di dicta nos nunca lo yega na un solucion. AHATA ta cuestiona seriamente e maneho di ATA.

Un minister no por kere cu e por hunga cu nos unico pilar economico y pone esaki den peliger pasobra e ta terco y kier ignora e consequencianan di un relacion kibra entre minister di turismo y AHATA. Na momento cu AHATA ta bisa cu e no kier traha mas cu Otmar Oduber, e minister mester saca su conclusion y entrega su retiro. Nos turismo ta mucho mas importante cu Otmar Oduber!

Expresionnan haci den e articulo aki no necesariamente ta refleha opinion di ArenaPoliti.co