Na e momentonan aki cu mi ta na vispera pa bolbe Venezuela pa sigi nos esfuerzonan pa sigura un final feliz den nos lucha pa habri e refineria pa nos Pueblo:MI TA PIDI PA NOS PUEBLO AWE MAS CU NUNCA TIN ESPERANZA Y FE GRANDI CU NOS TA LOGRA HABRI E REFINERIA DI ARUBA BEK.

Laga nos realisa cu projectonan grandi ta rekeri empeño grandi. Nos Gran Dios ta premia constancia, nos Gran Dios ta premia e fe y esperanza di nos Pueblo cu a keda kere semper cu nos refineria MESTER POR HABRI BEK. Awe na luna di December mi ta desea di informa nos Pueblo cu mi conviccion ta awe mas cu nunca mas grandi: CU NOS LO LOGRA.

No obstante nos optimismo acompanja pa nos perseverancia den e lucha aki, nos mester djies tin un tiki pasenshi so mas en espera cu e negociacionan entre PDVSA CITGO y GOBIERNO termina.

Nos Partido MEP y en particular mi persona a priminti nos Digno Pueblo cu nos lo ta vigilante y alerta di e proceso di negociacion cu UN META: HABRI E REFINERIA BEK PA E FUTURO FELIZ, PROGRESO Y BIENESTAR PA UN Y TUR CU TA BIBA RIBA E PIDA BARANCA AKI CU NOS TA YAMA CU ORGUYO: NOS PAIS Y PATRIA.

Nos esfuerzonan na Venezuela ta continua pa sigura e exito den nos lucha pa habri e refineria di Aruba. Di mi banda nos lo tene nos Digno Pueblo debidamente informa for di Venezuela. LAGA NOS TA POSITIVO CU NOS GRAN PERSEVERANCIA NOS GRAN FE NOS GRAN CONVICCION Y NOS GRAN ESPERANZA LO WORDO PREMIA PRONTO CU UN GRAN NOTICIA.

Lo mi reitera sin duda den nomber di nos Digno Pueblo e GRATITUD na GOBIERNO di VENEZUELA PDVSA y CITGO pa nan APOYO y SOLIDARIDAD den yuda NOS DIGNO PUEBLO HABRI E REFINERIA BEK COMO PILAR ECONOMICO Y INDUSTRIAL PA NOS PAIS CU LO PONE ARUBA BEK RIBA PIA. ESAKI TA E META DI NOS LUCHA FOR DI UN COMIENSO Y TA CU E META AKI NOS TA SIGI CU E LUCHA DEN E LUNA CRUCIAL AKI DI DECEMBER.


Glenbert F. Croes
Senator for Aruba
Senador di Aruba
Member of Parliament
Miembro di Parlamento
Movimiento Electoral di Pueblo

Expresionnan haci den e articulo aki no necesariamente ta refleha opinion di ArenaPoliti.co