Siman pasa Gobierno di Aruba y CITGO a firma un heads up agreement pa e proceso di re-apertura di refineria inicia. Nos ta contento y orguyoso cu e desaroyonan a hiba na e noticia positivo aki pa nos pais su economia y creacion di cuponan di trabou pa henter nos Pueblo trahadorm

Den un conferencia di prensa den luna di juni nos a elabora riba diferente posibilidadnan cu por tin pa re-apertura di refineria y siman pasa nos a tuma nota cu lo bai ta aplicando e mesun formato cu nos a propone esaki no ta coincidencia cu ta e proposicion di MEP a wordo usa pa e acuerdo. E formato aki lo brinda e oportunidad tambe pa opera e planta riba gas y consecuentemente yuda baha prijs di gasoline y coriente. Aunke cu nos a hasi esfuersonan for di basta luna caba y no ta importa cu nos no ta haya credito pasobra tur esaki ta na bienestar di Aruba. Loke si ta stranjo ta cu e mesun gobierno aki na april 2015 a anuncia cu no tin cumprador y tawata cla pa desmantela y asigna e tereno pa otro proposito. 

Cu tin e posibilidad cu e refineria ta bira di pueblo di Aruba no ta un casualidad cu esaki ta e mesun formula di loke ami a presenta na Vice presidente di PDVSA. Logicamente esaki lo tin beneficio pa trahadornan y economia y Pueblo di San Nicolas en particular y di henter Aruba.NOS LO KEDA LUCHA TE FINAL TE ORA E PORTANAN DI NOS REFINERIA HABRI BEK PA FELICIDAD DI HENTER NOS DIGNO PUEBLO DI ARUBA.

Expresionnan haci den e articulo aki no necesariamente ta refleha opinion di ArenaPoliti.co