Pueblo di Aruba, cu gran asombro mi por a tuma nota di declaracionnan absurdo, di marca mayor di parti sr. PM Eman, relaciona cu construccion di casnan durante di gobernacion di AVP. Aki sr. Eman ta reclama cu ta bao di su liderazgo, gobierno a construi 74 cas. Aparentemente, gobierno a prefera di concentra riba con haci di e casnan na Aruba un berdadero hogar pa e ciudadanonan. Con esaki ta posibel? Casnan sin coriente ni awa? Casnan cu klinker y asfalt riba mesa pa muchanan por come y bay drumi bariga yen? Otro locura di parti Prome Minister  ta cu su gobierno ta drecha e situacion di antes, for di 1970, y mehora e ambiente den cual a construi e casnan. Ki ambiente mester tin den construccion? Un festivo cu alcohol y droga durante construccion manera den Electric Festival? Un fundacion cu no a wordo crea den ningun di e gobernacionnan di AVP. Den e añanan 70 su ruman tabata bende marihuana na Hulanda den su café. Corda pa laga traha cas! Tambe mester menciona cu ta net AVP su gobernacion a stop e prestamo for di Hulanda na un interes hopi abao, for di cual e pueblo lo por a gosa di un hipoteca na un interes abao. Hustamente door di AVP, awor Aruba su pueblo mester paga interes mas halto na FCCA. Esta un descarado! Tambe sr. PM Eman ta blof cu FCCA a otorga mas di 500 hipoteca social pa personanan cu tabata kier a construi un cas den e area cu nan tabata kier. PM Eman mester a bisa: ”den e areanan cu sra. Dammers duna nan y cu no tabata reserva pa e gangsternan Arends hunto cu e Capo Sevinger”. PM Eman ta complice den esaki porcierto, door di ta keda keto of door di ta haya placa di e benta di e terenonan pasobra placa tin, segun un tal Leoncita. Terenonan na Aruba ta di AVP y ta AVP su hendenan ta den control di kende ta haya y ta keda sin haya. Pesey tin un tardansa asina grandi den atende cu e peticionnan di tereno. Of no? Cuanto tempo ABO tin ta warda riba contesta di bo peticion di tereno?? Otro aspecto cu sr. Eman no ta menciona ta, di e 500 hipotecanan. Cuanto di nan FCCA a confisca bek y bende na findishi? Esaki door di mal  maneho di gobierno di AVP di e economía di país Aruba. Cuanto famia a keda riba caya door di esaki? “Loke e fundacion aki a haci sigur ta duna contenido na e funcion social cu FCCA tin pa comunidad,” e mandatario a expresa. Atrobe PM Eman kier briya cu plumanan cu no ta dje. E ta manera un samuro cu ta come bestia morto cu e no a mata. Un probechador di fondonan di pueblo, cu su partido NO a aporta den ningun sentido na dje, pero ta gaba awor di cu ta bao di su maneho FCCA tabatin logro. Esaki ta un locura total, cu por hustifica pa bisa cu  “E Loco ta los!”

Expresionnan haci den e articulo aki no necesariamente ta refleha opinion di ArenaPoliti.co