Perspectiva Independiente without background 001

‘Crea cupo di trabou na San Nicolas’

ChrisRomero07
San Nicolas ta un parti di nos pais cu a keda atras den desaroyo. Durante e ultimo decadanan, cierto inversion a tuma luga, pero tiki si compara esaki cu otro districto. E opinionnan tocante e miho forma pa desaroya San Nicolas ta varia. Tambe entre partidonan politico.

ArenaPoliti.co a tuma contacto cu parlamentario di MEP, sr. Chris Romero, pa haya sa con e vision di MEP pa cu San Nicolas ta diferencia di e maneho cu gabinete Mike Eman I y II (AVP) a hiba e ultimo shete aña y mey. ArenaPoliti.co a haci sr. Romero e siguiente pregunta: Si MEP logra forma e siguiente gobierno, kico MEP lo haci diferente pa cu San Nicolas compara cu e maneho di gabinete Mike Eman I y II?


Comercio y cupo di trabou 
Sr. Romero ta cuminsa contesta e pregunta enfocando riba comercio y creacion di cupo di trabou na San Nicolas.

Reforma fiscal real
Chris Romero: “Pa San Nicolas por desaroya mester trece comercio pariba, pa asina por crea trabou pariba y asina tin mas hende cu lo cumpra pariba y esaki lo atrae mas comercio atrobe. Con nos kier logra esaki door di un reforma fiscal real pa San Nicolas. Pakico real paso AVP a introduci uno cu segun nos ningun comerciante por a us’e, ni uno existente menos uno nobo. Pues un reforma real cu incentiva pa comerciantenan bin San Nicolas.”
Pa San Nicolas por desaroya mester trece comercio pariba, pa asina por crea trabou pariba y asina tin mas hende cu lo cumpra pariba y esaki lo atrae mas comercio atrobe.”

Agricultura
Sr. Romero tambe ta wak un rol importante pa San Nicolas den un vision di MEP relaciona cu food security: “Nos gobierno [MEP] lo kier desaroya agricultura industrial tambe na San Nicolas cu ta pilar di nos vision pa cu food security pa Aruba, esaki lo tin un impacto positivo riba oportunidad pa empleo pariba.”

Medicina alternativo
Sr. Romero ta continua riba e meta pa crea cupo di trabou na San Nicolas: “Un otro industria cu nos lo kier explora su posibilidadnan ta esun di alternativa medicinal. Awor e base di e industria aki ta na Mexico pero mirando e ola di violencia ayanan nos lo kier atrae e industria aki pa San Nicolas.”


Promove comercio
Banda di crea cupo di trabou, e parlamentario di MEP ta elabora riba dos actividad cu cual un gobierno di MEP lo promove comercio y atrae hende local y turista na San Nicolas.

Zomer Carnaval
Chris Romero: “Mas cu claro gobierno mes tin e deber di yuda promove e comercio cu tin pariba y dos actividad cu semper a contribui pa cu esaki ta Carnaval y Drag Race. Den pasado a purba introduccion di un tipo di zomer carnaval na Aruba y nunca e tawata factibel pa motibo di diferente factor y un di nan ta su localidad. Un carnaval pa turista so no lo traha pero un pa pueblo na San Nicolas cu festivalnan di canto incluyendo conciertonan di artistanan internacional, lo ta un boost pa Aruba su turismo pero tambe pa San Nicolas.”

Drag Race
Sr. Romero: “E otro atraccion internacional cu nos tin ta caredanan di drag race. Invertiendo den e pista pa asina boost nos nivel di coredonan pa asina por invita coredonan internacional sigur lo por trece riba 10.000 persona pariba cu lo impacta e comercio pariba.”


Recientemente sr. Romero a expresa mas di e contraste entre su vision pa Aruba y e maneho di gabinete Mike Eman (AVP). Klik aki pa lesa su articulo.

Expresionnan haci den e articulo aki no necesariamente ta refleha opinion di ArenaPoliti.co

7 motibo pa laga Pueblo eligi su Gabinete

Columna Asiento 22 | S01E05 Hopi ciudadano ta na fabor di un cambio den nos sistema democratico cu lo duna Pueblo e poder pa eligi Parlamento y un (minister-)presidente den eleccionnan separa. De...

Sigui lesa...

Inscribi pa ricibi un resumen semanal di e articulonan mas impactante.

 

Contacto

ArenaPoliti.co ta un website di BPS Media

 

Pa tuma contacto of pa manda comunicado:

[email protected]

 

Advertising:

[email protected]

x

 

Inscribi pa ricibi un resumen semanal di e articulonan mas impactante.