Presente na e ocasion aki tabata tambe Arubaanse Wegenbouw. 

ORANJESTAD- Diabierna ultimo Gobierno di Aruba a firma cu FCCA y Arubaanse Wegenbouw pa traspaso di tereno na Kibaima pa start construccion di e casnan di e 'Smart Community'.  Presente na e ocasion aki tabata Prome Minister Eman, director di FCCA sr. van Poppel, Jose Paula, hefe di sector 'bouwtechniek' di FCCA y representante di Arubaanse Wegenbouw, e contratista cu lo haci e trabou.

E proyecto ambicioso Smart Community - un comunidad sostenibel -  ta bay consisti di 15 cas tradicional y 5 cas futuristico. FCCA ta e instituto cu ta bay guia e proyecto aki. Na Kibaima ta bay bin 20 cas cu ta forma ne Smart Community. 15 di nan ta bay wordo construi na e manera tradicional. Esey ta e base, pero cada cas nobo construi ta haya algo aserca y asina ta sigui. Cas nr. 15 ta un cas cu ta completamente energie neutraal. Esey ta interesante na momento cu un hende kier traha un cas nobo y e kier sa con e lo kier isola e cas di parti pafo of isola dak di e cas of si ta pone dobbel glas na porta y bentana. Asina por wak kico tur ta spaar na energia. E informacion aki FCCA ta acumula y ta comparti esaki cu comunidad despues di un periodo di algun aña. Asina e comunidad mes ta dicidi kico ta e extra (add on) cu ta bay haci riba nan cas pa gasta menos energia. Esaki ta esencia di full e proyecto aki. Awor cu e traspaso di tereno a tuma lugar por cuminsa di biaha cu construccion di e casnan.

Expresionnan haci den e articulo aki no necesariamente ta refleha opinion di ArenaPoliti.co