{idkey=4959b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F5550-benny-nisbet-ppa-aru-parking-mester-worde-transforma-den-un-aruba-guide-security-service%3FItemid%3D101][title=Benny+Nisbet+%28PPA%29%3A+%E2%80%98Aru-Parking+mester+worde+transforma+den+un+%E2%80%98Aruba+guide+%26amp%3B+security+service%E2%80%99%21%E2%80%99][desc=Cu+centro+commercial+di+Oranjestad+a+bai+a+tras+seriamente+ta+un+hecho+%21%21+Y+cu+e+atraso+aki+tin+grandemente+di+haber+cu+e+introduccion+di+un+asina+jama+Aru-parking+ta+sin+duda%21%21+E+cobramento+pa+parkeer+den+centro+commercial+di+Oranjestad+combina+cu+un+trajecto+di+%E2%80%98klem%E2%80%99+auto%2Fpropiedad+di+pueblo+cu+tin+un+valor+di+p.e.+entre+f.+%26amp%3Bnbsp%3B30.000%2C--+pa+%26amp%3Bnbsp%3Bf.+100.000%2C--+pa+un+suma+di+f.+2%2C--+no+ta+den+balans.+Mas+ainda+fuera+di+balans+cu+pueblo+ta+considera+abuso+di+otro+mundo+ta+e+hecho+cu+ta+]}
Cu centro commercial di Oranjestad a bai a tras seriamente ta un hecho !! Y cu e atraso aki tin grandemente di haber cu e introduccion di un asina jama Aru-parking ta sin duda!! E cobramento pa parkeer den centro commercial di Oranjestad combina cu un trajecto di ‘klem’ auto/propiedad di pueblo cu tin un valor di p.e. entre f.  30.000,-- pa  f. 100.000,-- pa un suma di f. 2,-- no ta den balans. Mas ainda fuera di balans cu pueblo ta considera abuso di otro mundo ta e hecho cu ta ‘tow’ auto di pueblo cu consecuencia cu pueblo tin di paga f. 225,-- pa hanjele bek …esaki ta hopi leeuw fuera di balans y ta un ABUSO di otro mundo. 

MOTIBO PA INTRODUCCION DI ARU-PARKING !! 
E origen di un ‘Aru-parking’ riba nos isla ta consecuencia directo di mal gobernacion di parti di gabinete Mike Eman riba tereno di Finanza. X ministro Mike de Meza alias Mike ‘The Mess’. E maneho aki a causa cu Aruba tin un debe nacional di un 8 billion florin y cu pueblo tin cu paga hopi na medida. Esaki a causa cu gabinete Mike Eman a dicidi cu den futuro nan no kier paga e ‘subsidio’ di gobierno na Arubus NV cu lo ta alrededor di 9 million florin annual. X ministro Otmar Oduber a   bin cu e alternativa ….si gobierno no ta bai subsidio ARUBUS NV…anto ban crea un ARU-PARKING  cu lo mester saca e fondo aki directamente for di pueblo pa medio di cobra pa parkeer riba infrastructura cu ta paga y construi cu fondo publico !! Y consecuentemente x ministro Otmar Oduber a crea ARU-PARKING cu e meta pa na cobra pa parkeer den futuro den tur districto commercial di Aruba y banda di hotelnan…..un idea espantoso di bo pensele bon. Consecuencia di esaki tabata ‘dramatico’ pa hopi famia y turista…. Klem a worde usa…..y pueblo a worde cobra comosifuera pueblo ta consisti di hende ‘rico’ cu lo no sinti e perdida di entre f. 75,-- pa f.225,- lubidando cu majoria di pueblo ta biba di un salario minimo (40%) plus esnan cu AOV so (f. 1000,--) y ainda un grupo grandi cu ta biba di onderstand..(5%). Si analisa esaki …kita f. 75,-- pa f. 225,-- den un tiro for di nan ta desastroso pa e famia cu kizas a bin Oranjestad pa cumbra algo humildemente. Esaki a causa cu pueblo di Aruba no ta bishita Oranjestad mas manera antes y esaki ta e causa cu comercio ta sinti esaki fuertemente den nan entrada. Pueblo ta bai pafor di Oranjestad  pasobra unda tin nan por ‘shopi’ na paz…sin e pression di tempo etc…!  Esey ta e realidad !! 

TRANSPORTE PUBLICO/ARUBUS NV ! 
Den paisnan desaroya ‘Transporte publico’ ta un  servicio cu gobierno ta subsidia grandemente !! Esaki ta simpelmente un deber di parti di gobierno pa garantisa cu tin ‘transporte’ pa esnan cu NO por paga pa un medio di transportacion propio. Aruba su gobierno a tuma e deber aki den curso di tempo tambe !!  No por ta sina cu pasobra x Ministro Mike de Meza alias ‘the Mess’ cu sosten di Prome Ministro Mike Eman a hinca pais Aruba den un desgracia cu pueblo tin di paga e prijs aki den tur sentido di palabra. PPA ta di opinion cu ARUBUS NV su tarea pa ofrece pueblo un transporte publico mester worde subsidia pa gobierno di Aruba ! 

Pesey cu participacion di PPA den un gobierno, PPA lo ‘zorg’ pa ‘Transporte publico’ sigui worde subsidia pa gobierno di Aruba. No tin mester di un ‘Aru-parking’ pa abusa di pueblo pa crea entrada indirecto pa Arubus NV. No lubida cu e abuso no ta solamente den cobra pueblo na forma abusador pero tambe e hecho cu ta larga esnan cu ja kaba a paga pa nan auto, nan nummerplaatbelasting,nan seguro….awo paga indirectamente pa e ‘subsidio’ cu gobierno NO ta desea mas pa paga na ARUBUS NV…… esey ta e abuso scondi den e asunto aki. 

Arubus NV mes merece un re-organisacion…merece di tin vehiculo moderno y cu ta worde manteni debidamente …y merece di tin un imagen positivo den pueblo cu bow di maneho di AVP a bai atras seriamente.  Arubus NV tambe mester worde hiba pa e PROXIMO NIVEL !! 

PPA LO PONE UN FIN NA ARU-PARKING Y CREA UN ‘ARUBA GUIDE & SECURITY SERVICE’ !! 

PPA ta di opinion cu mester pone un fin na e actual tarea di Aru-parking !!  SImpelmente NO por continua cu e servicio aki cu ta nada mas cu ABUSO di pueblo !

PPA tabata e prome organisacion pa propone un  final di Aru-parking pero na mes momento propone un soluccion pa e personal di Aru-parking cu NO mag worde perjudica a consecuencia di e maneho fatal di x Ministro Mike de Meza y gabinete Mike Eman !!

PPA lo crea un ‘ARUBA GUIDE & SECURITY SERVICE’ y lo pasa e personal di Aru-parking pa e NV nobo aki.  E tarea  di e compania aki lo ta uno  ‘positivo’ !!

• Positivo den duna informacion na e turista y e pueblo cu ta bishita centro di Oranjestad.
• Positivo cu lo funciona tambe como un ‘servicio di siguridad’ cu lo cuida e autonan cu ta stationa den centro di Oranjestad !!
• Positivo cu lo por contribui tambe na e jegada di ‘turista di cruise’ ora nan jega Aruba !
• Positivo cu lo por contribui cu informacion official na Cuerpo di Police di cierto desaroyo cu ta tumando lugar den e rond e ‘centro di Oranjestad !
• E tarea positivo aki lo duna mas oportunidad na crecemento di e personal di un ‘Aruba Guide & Security Service’ den futuro cu nan actual tarea !!

PPA lo guia Aruba den su totalidad pa un ‘Aruba……pa e PROXIMO NIVEL’ y den e cuadra aki Oranjestad nos capital tambe lo ricibi e atencion debido na un forma serio di un gobernacion di PPA.  Pa tal motibo nos conseho ta ‘LEVELUP….Switch y vota PPA !’

Aruba, 6 di mei 2017
Lider Politico di PPA
BENNY NISBET

Expresionnan haci den e articulo aki no necesariamente ta refleha opinion di ArenaPoliti.co