{idkey=3911b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F5656-andin-bikker-por-por-tin-e-plan-concreto-pa-preveni-cu-nos-conciudadanonan-tin-cu-busca-nan-salud-den-exterior%3FItemid%3D101][title=Andin+Bikker+%28POR%29%3A+POR+tin+e+plan+concreto+pa+preveni+cu+nos+conciudadanonan+tin+cu+busca+nan+salud+den+exterior][desc=Andin+Bikker%2C+miembro+di+Partido+POR%2C+e+Plataforma+Forza+Nobo%2C+a+splica+den+rueda+di+prensa+diamars%2C+cu+e+organizacion+aki+tin+un+plan+concreto+pa+logra+resolve+e+listanan+di+espera+larguisimo+riba+atencion+medico+y+ademas+pa+trece+e+calidad+di+medicina+na+un+nivel+cu+nos+pueblo+merece.+Nos%2C+canando+den+pueblo+e+lunanan+y+simannan+aki+un+di+e+prioridadnan+cu+ta+wordo+se%C3%B1ala+ta+cu+pueblo+a+haci+un+apelacion+na+nos+pa+baha+e+listanan+di+spera+y+drecha+e+calidad+di+cuido+medico.+Nos+a+scucha+un+ci]}
Andin Bikker, miembro di Partido POR, e Plataforma Forza Nobo, a splica den rueda di prensa diamars, cu e organizacion aki tin un plan concreto pa logra resolve e listanan di espera larguisimo riba atencion medico y ademas pa trece e calidad di medicina na un nivel cu nos pueblo merece. Nos, canando den pueblo e lunanan y simannan aki un di e prioridadnan cu ta wordo señala ta cu pueblo a haci un apelacion na nos pa baha e listanan di spera y drecha e calidad di cuido medico. Nos a scucha un ciudadano bisa: ‘pa tanto biaha cu mi ta tende gobierno di turismo medico, como un posibilidad ora nan caba di traha hospital, mi kier bira un turista pa bin mi pais y haya atencion medico pasobra mi tin seis luna ta wardando pa opera mi heup’. Cu esaki nos por realiza e seriedad di con hopi lista di spera tin y e hecho tambe cu ta tur dia ciudadanonan di nos pais, no obstante cu nos ta asegura cu nos tin un seguro medico general, personanan tur dia ta subi avion busca atencion medico den exterior”, Bikker a remarca.

Segun e parlamentario, un di e pesonan mas grandi riba presupuesto di pais Aruba y e unico tambe cu tin un tipo di BBO special pe, ta netamente e gastonan di salubridad, anto mester para keto un rato kico ta pasando y dedica atencion di biaha tambe pa baha entre otro, e listanan di spera. “E ta comprendible cu si un persona ta wordo diagnostica cu algo of e mester warda pa haci un diagnostico lunanan largo, obviamente e persona ey su salud ta central pe, y ora e ta fia caminda cu no tin pa e bay busca otro caminda. Anto netamente mester traha riba esaki. Y con lo atende esaki? Nos ta bay traha estrechamente den cooperacion cu clinicanan den region, hospitalnan renombra, entre otro di Merca pero tambe un lugar cu nos tin hopi aprecio pe, cu ta Costa Rica”, Bikker a enfatiza. El a splica cu na Costa Rica tin un hospital cu yama CIMA, cu si ta duna servicio di turismo medico. Aya ta traha un yiu di tera dr. Sprok, cu netamente bao di su dirigencia a reduci e listanan di spera”, Parlamentario mr. Andin Bikker a splica e por a compronde cu nan a  baha lista di spera door di bin cu schedulenan di warda pa around the clock y por sigui haci diagnostico cu MRI, CT-scan, etc. Y no cu den oranan di oficina so ta haci e tipo di diagnosticonan aki. Banda di esey a traha schedule pa salanan di operacion pa draai mas laat y no solamente den oranan di oficina.

Fuera di esey, Andin a bolbe papia tocante su mocion cu el a presenta den Parlamento cu a wordo aproba unanimamente, pa reintroduce e cambernan di presion hyperbaric chambers. Tin hopi caso aki na Aruba cu ta haya nan mes confronta cu heridanan di indole diabetico, di cual hopi por wordo trata via di e cambernan di presion aki, cu den varios caso hasta por preveni amputacion.  Anto netamente desde 2012, e gobierno di sr. Mike Eman, bao di guia di un propio minister di salubridad sr. Posner, tabata tin dos di e cambernan di presion aki y sr. Eman no a haci nada pa preveni pa e cambernan aki bay exterior. Y nos como un pais turistico y entre otro nos ta bende nos cu turistanan ta bin aki pa diving, nos ta di opinion cu mas pronto posible mester haci un esfuerzo pa reintroduci hyperbaric chambers” segun Andin Bikker. El a bisa cu e tin entendi cu ex minister di turismo a haci su maximo esfuerzo ora a acerca gobierno pa reintroduci un camber di presion pa esaki y via ATA esaki lo a wordo financia, pero Bikker por a compronde cu te awe gobierno no a duna prioridad na esaki. Y si algo bolbe pasa mester manda e pacient den exterior via Air Ambulance, pa islanan bisiña.

Expresionnan haci den e articulo aki no necesariamente ta refleha opinion di ArenaPoliti.co