{idkey=1812b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F6215-benny-nisbet-ppa-cu-avp-padilanti-ta-e-mito-mentira-patras-e-realidad%3FItemid%3D101][title=Benny+Nisbet+%28PPA%29%3A+%E2%80%98Cu+AVP+PADILANTI+ta+e+mito%2Fmentira%E2%80%A6.+PATRAS+e+realidad%3F%3F%E2%80%99][desc=]}
Partido AVP a jama nan programa PADILANTI…y ta pretende di hiba nos pueblo den su totalidad PADILANTI…hasciendo mofa di un expression di mi persona den nomber di PPA unda nos a declara cu nos ‘PPA ta bin di patras…We come from behind’!!
PPA ta di opinion pa pueblo henter pa sigur esnan cu ta sostene AVP pa analisa un rato profundamente di ki direccion realmente AVP a hiba nos pais ultimo anjanan.

Fondo di SVB pensioen di viejez……e ciudadano tabatatin derecho di bai cu pensioen cu 60 anja AVP a hibele pa 65 anja cual ta un ATRASO di 5 anja extra cu lo mester traha ainda !!

Fondo di Ambtenaar …..e ambtenaar por a bai cu pensioen cu 30 anja di servicio y 55 ana di edad …AVP a hibele pa 35 anja di servicio y 60 anja di edad cual ta nifica un ATRAS den derecho di 5 anja extra cu lo mester traha ainda esaki a hiba e ambtenaar PATRAS !

E maneho aki ta pone cu nos hobbenan esta nos millennials lo mester warda 5 anja extra prome cu tin cierto vacatura di nos grandinan pa nan por hanja of progresa….cu otro palabra aki nos millinnials a worde hiba 5 anja PATRAS !!

Un famia cu tabata biba di un entrada minimal awendia tin un lista largo di medida impopular cu e famia lo mester paga consecuentemente esaki ta crea menos entrada…menos ‘spending power’ pa e famia humilde aki por gast…..consecuentemente esaki ta nifica un ATRASO formal pa e famia ….AVP a hiba e famia PATRAS !!

E acuerdo cu AVP a firma cu CITGO a pone e trahador di exterior dilanti e trahador local ..!! Aki AVP a hiba e trahador arubiano PATRAS !!

E acuerdo cu e compania cu lo construi e caretera Watty Vos boulevard cu AVP a permiti pa hasta trece nan equipo/truck cu lo causa cu e arubiano humilde cu tin su truck lo mester para un banda y wak e trahador/chauffeur di exterior traha riba nos baranca…..cu esaki AVP a hiba e trahador y comerciante chikito PATRAS !!

Durante construccion di ‘green corridor’ cuanto trahado arubiano ta na cas SIN trabao mientras cientos di trahador di exterior a construi ‘green coridor’ …..aki AVP a hiba e trahador arubiano patras.el a bira un estranjero riba su propio pais durante di gobernacion di AVP/POR !!

Esey ta e realidad amargo di gobernacion di AVP ….Cu AVP PATRAS Aruba a bai …..esey ta e realidad….ta pesey PADILANTI cu AVP ta un chiste amargo ……mientras PATRAS cu AVP ta e realidad amargo cu pueblo a guli.

AVP tin su video di su hendenan corriendo supuestamente PADILANTI….manera den epoca di Hitler nan tabata indoctrina e pueblo Aleman. PPA ta hasi un apelacion serio riba nos pueblo di Aruba pa NO permiti videonan estilo epoca di Hitler pa tapa e realidad amargo di e epoca di AVP unda pueblo di Aruba a worde hiba PATRAS…..!!

PPA lo hiba pais Aruba pa e Proximo Nivel …na unda e arubiano su derecho su digniad riba nos pais lo bolbe worde respeta……Nos ta bin di patras pa defende e derecho di e arubiano riba su propio pais !!

Aruba 16 di augustus 2017
Secretario General di PPA
BENNY NISBET

Expresionnan haci den e articulo aki no necesariamente ta refleha opinion di ArenaPoliti.co