{idkey=9354b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F5655-joselin-croes-por-e-forsa-nobo-por-ta-cla-pa-yuda-e-mayornan-soltero-cu-ta-gana-menos-cu-e-bestaansminimum%3FItemid%3D101][title=Joselin+Croes+%28POR%29%3A+E+Forsa+Nobo+POR+ta+cla+pa+yuda+e+mayornan+soltero+cu+ta+gana+menos+cu+e+%E2%80%98bestaansminimum%E2%80%99][desc=Segun+Joselin%2C+e+cantidad+di+mayornan+soltero%2C+di+cual+mayoria+ta+mama+soltero%2C+ta+hopi+halto+na+Aruba.+Conforme+un+encuesta+teni+bou+di+hoben+na+Aruba%2C+mas+o+menos+40%25+di+tur+famia+na+Aruba+ta+consisti+di+un%2C+eenhoofdig+gezin%2C+dus+un+famia+cu+tin+of+un+mama+of+un+tata+soltero+cu+un+of+mas+yiu.+Nos+ta+papiando+di+mas+o+menos+3000+cas+di+famia+na+unda+solamente+un+persona+%28e+mama+of+e+tata%29+mester+carga+cu+ful+e+peso+su+so+di+un+cas+y+di+e+yiunan.+E+ta+hopi+comun+na+Aruba+cu+ora+un+pareha+divorci]}Segun Joselin, e cantidad di mayornan soltero, di cual mayoria ta mama soltero, ta hopi halto na Aruba. Conforme un encuesta teni bou di hoben na Aruba, mas o menos 40% di tur famia na Aruba ta consisti di un, eenhoofdig gezin, dus un famia cu tin of un mama of un tata soltero cu un of mas yiu.

Nos ta papiando di mas o menos 3000 cas di famia na unda solamente un persona (e mama of e tata) mester carga cu ful e peso su so di un cas y di e yiunan. E ta hopi comun na Aruba cu ora un pareha divorcia, e muchanan ta keda biba cu e mama y e tata mester paga alimentacion. E suma standard di alimentacion ta entre 250 florin pa 500 florin, locual no ta yega pa yuda paga e gastonan di un yiu. Pero e problema mas grandi ta cu hopi biaha e tata no ta paga e alimentacion, lagando e mama sin recurso pa por paga tur e gastonan cu ta keda riba dje despues di un divorcio. 

E realidad di bida ta cu un mama of tata soltero, cu tin mas di un yiu y tin un salario abou, no por cumpli tampoco cu tur su necesidadnan financiero. Hopi biaha si bo ta un persona soltero bo no ta yega na remarca pa un hipoteca na banco pa un cas. Of si bo tawatin un hipoteca y bo a divorcia, bo ta haya bo den e situacion cu bo so no por carga e hipoteca y bo ta perde bo cas. Mesun cos ta conta pa e prestamo personal of prestamo di auto. Riba esaki bo ta wordo confronta cu bo so mester paga e gastonan di awa, coriente, huur, gastonan di scol di e muchanan, gasolin, cuminda, etc. 

E mama of tata soltero ta cay den un situacion financiero hopi dificil y cu consecuencia cu e ta bira malo, gestress y depresivo, cual tambe tin influencia riba su trabou y su bida diario. 

E Forsa Nobo POR tin un plan con pa yuda e grupo aki. Pa yudanan tin acceso na cuminda saludable nos kier amplia e canasta basico tambe, introduci tarifanan special pa creche y schoolgeld. Tambe POR lo traha duro pa bin cu casnan social pa e grupo aki di menos recurso. 
Cu reduccion den e gastonan primario aki di un mama of tata soltero cu tin yiu bo lo dune espacio pa keda cu un extra placa den su cartera pa asina e no ta solamente biba pa paga debe.
Ta brinda e mama of tata y e yiunan un miho calidad di bida. Manera nos gobernador a bisa den su discurso tan elocuente: "Charity begins at home". Nos mester tin amor y compasion pa nos prohimo. Nos mester yuda nos yiunan di tera, pa nan  tin un miho calidad di bida y un miho porvenir. Tin hopi pobresa financiero na Aruba. Bishitando cas Joselin a encontra hopi mama soltera cu dos of tres yiu cu ta lucha pa wanta cabes riba awa despues di un divorcio dificil na unda e tata ta laga nan sin ayudo financiero. 

Na e mamanan y tatanan aki Joselin ta priminti cu e lo haci tur loke ta na su alcance pa yuda nan tin un miho calidad di bida pa nan y pa nan yiunan. E forsa nobo POR tin un plan concreto y viable pa yuda boso bay dilanti.

Expresionnan haci den e articulo aki no necesariamente ta refleha opinion di ArenaPoliti.co