{idkey=2251b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F5768-rosalinda-boekhoudt-curpa-pakiko-mi-no-tawatin-otro-choice-cu-drenta-politica-atrobe%3FItemid%3D101][title=Rosalinda+Boekhoudt+%28CURPA%29%3A+%E2%80%9CPakiko+mi+no+tawatin+otro+choice+cu+drenta+politica+atrobe%E2%80%9D][desc=]}
DESEO PA KEDA VOTADOR SO 
Mi a drenta poltica caba na 2013 pero mi a dicidi di sali y bira un votador atrobe, e rol comfortable cu mayoria hende ta prefera. Ademas nunca mi tawata un politico y nunca mi lo bira un tampoco. Mi ta un fiel creyente di Bijbel na 1er lugar, na di dos lugar un ciudadano patriotico y un amante di husticia, naturaleza y bestia.
Mientras tanto sinembargo, mi por a mira con un familiar arubiano cercano dimi y otronan no por a haña trabou niun caminda. Y ora mi a nota cu hendenan a cuminsa wordu atraca tambe ariba caya y den nan mesun cas mi a realiza cu nos no tawata safe mas, ni den nos propio cas.

FACEBOOK PAGE PA YUDA GOBIERNO 
No obstante mi a keda  pafor di politica y a keda confia cu den funcionamento di e gobierno y e parlamento. Y ora mi tuma nota di un post di e Minister di Husticia riba Fabebook riba 25 di September 2016 cu titulo “Ban hunto preveni ilegalidad y promove mas siguridad” mi di cu mi familiar: “Bo sa kiko, lugar di sinta critica gobierno ban yuda gobierno combati ilegalidad y promove seguridad”. Pues nos a lanta un facebook page “Ciudadanonan Patriotico” pa registra tips anonimo di ilegalnan y pa despues manda nan den un carta pa Minister di Husticia, cu c.c. pa full parlamento y GNC. Y asina e tipsnan a drenta. No solamente a recibi tips indicando cu tawatin ilegalnan trahando casi tur caminda, pero tambe cu tawatin personanan ilegal bibando na Aruba  cu tawata wordu busca door di Husticia di Paisnan di afor que segun e informantenan tawatin entrada y salida liber cu ayudo di un agente femenino di immigracion. Y asina a manda e 1er carta riba 14 di oktober 2016 cu e tipsnan pa Minister di Husticia, cu c.c pa Parlamento Y GNC.

FALTA DI REACCION Y ACCION TA PAPIA MAS DURO CU PALABRA BUNITA 
Pero muy lamentablemente no tawatin niun contesta, ni di gobierno ni di niun parlamentario.  
Den e siguiente carta nos a puntra e Minister di Husticia e.o. con e personanan di afor cu tawata comete delitonan a haci drenta Nos Pais. Pero atrobe ni e Minister ni niun parlamentario no a reacciona. Pues e falta di reaccion y accion a demostra cu ni gobierno y ni e parlamentarionan (AVP,MEP, Andin y Marisol)no ta interesa den cumpli nan tareanan cual pueblo ta paganan pe, ni den e trahadornan local sin trabou y ni den e Seguridad Nacional. Ni tampoco den e hobenan cu a caba p.e. EPI etc. y cu despues di gasta placa y tempo den nan studia ta haña nan mes forza pa traha pa salario minimo.

NIUN OTRO CHOICE CU DRENTA POLITICA UN BIAHA MAS 
E conclushon cu mi mester a saca e ora ey cu no por a spera nada di gobierno ni e parlamento y cu pa por a trece e cambionan necesario no a kedami niun otro opcion cu drenta politica un biaha mas. Nos di partido CURPA ta kere e maneho actual a  haci suficiente daño y cu ta tempo pa cambia e maneho di Stranheria bek conforme e leynan y e Constitucion di Pais Aruba na favor di e localnan y segun e capacidad di carga di Nos Pais. Un maneho na unda tur e hendenan local lo bira “e dreamers” cu tur e beneficionan.  Na unda e trahadornan local lo tin frigidaire yen atrobe. Keda pendiente di e siguiente parti di e maneho único y esun mas eficiente di partido CURPA “Vol is Vol” parti 2.

Expresionnan haci den e articulo aki no necesariamente ta refleha opinion di ArenaPoliti.co