{idkey=4030b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F5631-jan-de-ruijter-e-maneho-insostenibel-den-ensenanza-di-avp-e-futuro-partido-perdedor-aankomende-verliezers-partij-parti-3%3FItemid%3D101][title=Jan+de+Ruijter%3A+E++maneho++insostenibel++den++ense%C3%B1anza+di+AVP%2C+e++futuro++partido++perdedor+++%28aankomende+verliezers+partij%29+%28parti+3%29][desc=E+%26amp%3Bnbsp%3BSCHOOLNAN+%26amp%3Bnbsp%3B%E2%80%9CSTEVE+JOBS%E2%80%9D+DI+%26amp%3Bnbsp%3BMAURICE+DE+HOND.%26amp%3Bnbsp%3B%28splicacion%3A+Steve+Jobs+ta+e+persona+cu+a+inventa+Apple%2C+i-Phone+y+i-Pad%3B+e+uso+di+e+sistemanan+aki+ta+splica+e+%E2%80%9Ccategoria%E2%80%9D+di+e+schoolnan+%E2%80%9C%C3%A0+la+Maurice+Hond%E2%80%9D+aki%2C+esta+%E2%80%9Cschoolnan+Steve+Jobs%E2%80%9D%2C+un+invento+pues+di+Maurice+Le+Chien+himself.%26amp%3Bnbsp%3BManera+mi+a+informabo+anteriormente+caba%2C+nos+prome+minister+Mike+Eman+y+Bart+Kool%2C+%26amp%3Bnbsp%3Bex-presidente+di+SMOA%2C+ta+hopi+ocup%C3%A1+%26amp%3Bnbsp%3Bcu+destruccion+di+nos+ense%C3%B1anza+door+]}
E  SCHOOLNAN  “STEVE JOBS” DI  MAURICE DE HOND. 
(splicacion: Steve Jobs ta e persona cu a inventa Apple, i-Phone y i-Pad; e uso di e sistemanan aki ta splica e “categoria” di e schoolnan “à la Maurice Hond” aki, esta “schoolnan Steve Jobs”, un invento pues di Maurice Le Chien himself. 
Manera mi a informabo anteriormente caba, nos prome minister Mike Eman y Bart Kool,  ex-presidente di SMOA, ta hopi ocupá  cu destruccion di nos enseñanza door di cambia nos schoolnan actual den schoolnan iPad cu lo sigui e sistema di enseñanza nobo di Maurice  de Hond, conocí tambe como Ka Ching, pues como “Cash-In”!

Maurice de Hond ta yama un klas awor un “atelier” (tayer), y e maestro awor en adelante ta un coach kende  hunto cu e alumno ta prepara un programa di les, y cada 6 siman tin un combersacion “output” (riba e resultado).
E tayernan ta reparti di acuerdo cu e materianan , unda pues muchanan di diferente edad ta studia cierto materia of ramo, y ora nan cansa, nan lo por bay sosega den un “cubicle” (espacio hopi chicito).
E coachnan mester studia masha hopi mes, prome cu nan por carga e titulo di “Master Steve Jobs”!  
E estafadornan (“ oplichters”), ay, sorry, naturalmente mi kier meen e fundadornan (oprichters) di e fundacion di Maurice de Hond  no tin NINGUN cualificacion como experto den enseñanza;  nan metodo no tin NINGUN base of hustificacion (“onderbouwing”), ni cientifico, ni pedagogico;  Maurice de Hond ta yama su mes “sociaal geograaf” (whatever esey lo por significa!),  y e  otro  personanan cu a bini cu e iniciativa, tin como profesion  entre otro recepcionista di un centro di deporte y fiesta, y e resto di e pandiya ta consisti tambe di “sociaal geograaf”, un escritor, un redactor interno, y un “ZZP”-er (persona cu ta traha riba su mes y cu no tin personal) den comunicacion; den otro palabra un bunita set di payaso trecí hunto den un banda (“schorremorrie”).
E empresa B.V. “K A- CHING”  di  Maurice de Hond
Riba e adres di e fundacion pa enseñanza “O4NT” di Maurice de Hond, Nijenrodeweg 897, Amsterdam, tin ainda mas o menos un diez empresa “B.V.” inscribí y registrá, bao di cua e B.V. Ka-Ching, un nomber cu tin un parecido grandi na e zonido di un cashregister, pero cu ta zona tambe pa “making money”, Cash-in!
No mester causa ningun strañeza anto, cu Maurice de Hond ta comercialmente envolví den e fundacion cu un cantidad di B.V.-nan tambaleante, e fundacion cu presuntamente NO tin ganashi como meta!!
Anteriormente ya De Hond a haya mal fama pa motibo di e escandalonan y e estafanan relacioná cu e debacle “Newconomy”,  World Online, Veiling.com, ProActive International, View/Ture, Inter/View, CityOnline, CoolAps, CoolSuits, tur un cantidad di empresanan fantasma, of sin balor y defectuoso, cu Maurice de Hond a hiba Bolsa pretendiendo cu nan tin masha hopi balor, y consecuentemente tambe tur a faya  y a resulta un fracaso.  

TA  CU  CLASE  DI  SHOURONAN  ASINA  NOS  PROME  MINISTER  TA  DEAL,  Y  TA  E  SHOURONAN  AKI  TA  BAY  METE  DEN  NOS  ENSEÑANZA!? 
Di mi parti abo, apreciable lector, bo tin mi bendicion pa subi internet, y google pa Maurice de Hond – mi ta hasta recomendabo esaki! – y e ora ey lo bo haya tur locual ta concerni Maurice de Hond, for di charlatan, pa payaso, curandero di awa dushi (“ kwakzalver”), estafador,  fraudeur, ladron, sinberguenza, gañado, gabador, presumido, y fantochi. 
Pero…. . Mike Eman y Bart Kool ta ENCANTÁ cu e homber aki, y p’esey tambe Maurice de Hond ta wordo permití pa bini Aruba pa organisa y drecha nos enseñanza cu su schoolnan “Ste ve Jobs”!
Aruba, cuida bo peyego! Aruba, let  op  uw  saeck!!

E  RECETA  PA  UN  ENSEÑANZA   MIHOR  Y  SUBLIME  RIBA  ARUBA.
Un mihor Aruba ta cuminza cu mihor enseñanza, educacion, formacion humano, schoolnan amplio,  “opvang” despues di oranan di school.
Continua cu nos enseñanza manera e ta awor aki, NO ta un opcion!
Pa e gobierno actual of e gobierno nobo dicta for di ariba, tampoco ta ningun opcion.  
Ta cambionan masha importante mester ser introducí, y decisionnan mes importante mester ser tumá, y e unico bon manera pa haci esaki ta pa envolví tur specialistanan concerní, y pa duna participacion real y activo (“inspraak”) na especialmente maestro- y maestranan di school, profesornan y docentenan, expertonan, y otro profesionalnan den enseñanza.
Bao di guia sabio y habil di moderadornan (“gespreksleiders”), bon entrená y experienciá, facilitadornan y algun persona cu algun experticio como gerente, un dialogo nacional riba nos enseñanza lo mester duna contesta riba e diferente preguntanan manera e idioma di e enseñanza, un curiculo uniforme pa e diferente tiponan di school na Aruba,  preparacion (educacion), y continuacion di estudio (“vervolgstudie”) den exterior, financiamento di estudio, y pago back di esaki, materianan nobo cu ta necesario den temponan moderno, exigencianan pa e cuerpo di maestronan etc. den enseñanza, planificacion pa termino largo pa enseñanza y pa schoolnan, pre-seleccion di e maestronan, docentenan, etc., remuneracion (pago) pa e maestronan, etc., y mas di e asuntonan importante aki.

DOS  COS  TA  SUMAMENTE  BISTO  Y  EVIDENTE:

1. E gobierno cu sinta despues di dia 22 di september proximo, mester trata na haci esaki su so, pa despues for di ariba pasa (dicta) esaki na comunidad.
2. Cu e pleitamento entre Mike Eman, Michelle Hooijboer y Bart Koole, y cu nan amor pa e charlatan y estafador Maurice de Hond, NUNCA AVP lo por guia enseñanza di Aruba pa drenta siglo 21.

Pa 8 aña largo nan a haya e oportunidad pa esey, y nan NO a cumpli y no a logra nada.

E ta sigui.
Jan de Ruijter
This email address is being protected from spambots. You need JavaScript enabled to view it.
produci na Papiamento pa Remigio A. R. Wever, 42.10.01.44

Expresionnan haci den e articulo aki no necesariamente ta refleha opinion di ArenaPoliti.co